Memlekettik aýdıt proesteri tolyǵymen avtomattandyrylady

Foto: ashyq derekkóz

QR Joǵary aýdıtorlyq palatasy delegaııasynyń Portýgalııa Respýblıkasyna jumys sapary barysynda Joǵary aýdıtorlyq palatanyń múshesi Rasýl Rahımov sheteldik áriptesterin elimizdiń memlekettik aýdıt proesterin avtomattandyrý jáne qarjylyq baqylaý júıesin zańnamalyq turǵydan nyǵaıtý salasyndaǵy jetistikterimen tanystyrdy, dep habarlaıdy qandastar.kz

Qazaqstandyq delegaııanyń Portýgalııaǵa saparynyń negizgi maqsaty – Lıtva, Portýgalııa jáne Túrkııa aýdıtorlary Joǵary aýdıtorlyq palatanyń qyzmetine qatysty júrgizip jatqan «dárejesi boıynsha teń» tekserýdiń aldyn ala qorytyndylaryn qaraý, sondaı-aq portýgalııalyq áriptesterimen tájirıbe almasý.

Rasýl Rahımov óz sózinde Joǵary aýdıtorlyq palata ótken jyly 214 uıymda 27 aýdıt júrgizip, 11 trln teńgeni qamtyǵanyn atap ótti. 2023 jylmen salystyrǵanda tekserýler sany 35%-ǵa ósti. Bıyl 43 aýdıt josparlanǵan, bul 2024 jylmen salystyrǵanda 59%-ǵa kóp.

«Bir atap óterligi, 2025 jylǵa josparlanǵan 43 aýdıttiń 30-y táýekelderdi basqarý júıesiniń kómegimen irikteldi», — dedi QR Joǵary aýdıtorlyq palatasynyń múshesi.

О́tken jyly Joǵary aýdıtorlyq palata 154 mlrd teńgege qarjylyq buzýshylyq anyqtady. Osy qarjynyń 88%-y nemese 135 mlrd teńgesi respýblıkalyq bıýdjetke qaıtaryldy. Bul – joǵary kórsetkish.

Rasýl Rahımov ótken jyly Joǵary aýdıtorlyq palata óziniń aqparattyq júıesine aýqymdy transformaııa júrgize bastaǵanyn atap ótti.

«Biz aýdıtorlar jumysynyń tıimdiligin arttyrý jáne taldaý sapasyn jaqsartý úshin jańa ıntellektýaldy quraldardy biriktirdik. Basty basymdyq – aýdıt proesterin barynsha avtomattandyrýǵa qol jetkizý», — dedi ol.

Máselen, aýdıtorlarǵa memlekettik organdar men ulttyq kompanııalardyń satyp alýlaryn naqty ýaqyt rejıminde taldaýǵa, salyq túsimderi men bıýdjetke tólenetin basqa da tólemderdi kórip otyrýǵa, sondaı-aq ártúrli óńirler men ekonomıkanyń salalary boıynsha derekterdi salystyrýǵa múmkindik beretin taldamalyq modýl engizildi. Taǵy bir IT-bastama – Memlekettik aýdıt obektisiniń ıfrlyq kabınetin iske qosý. Ony testileý jyl sońyna qaraı aıaqtalady. Bul servıs obektige baryp tekserý júrgizýlerdi qysqartýǵa jáne memlekettik aýdıt sheńberinde qujat aınalymyn elektrondyq formatqa barynsha kóshirýge múmkindik beredi. «Biz bólingen bıýdjet qarajatynyń kólemine qaraı árbir tekseriletin uıymnyń beıinin avtomatty túrde jasaı alamyz. Bul derekter táýekelderdi basqarý júıesine avtomatty túrde ıntegraııalanady. Bul táýekel deńgeıi joǵary uıymdardy anyqtaýǵa múmkindik beredi», — dep atap ótti Rasýl Rahımov.

Ol Memleket basshysy jańa Bıýdjet kodeksine qol qoıǵannan keıin Qazaqstandaǵy memlekettik aýdıt júıesi zańnamalyq turǵydan kúsheıetinin de atap ótti.

«Endi Úkimet Parlamentke jyl saıynǵy bıýdjettiń atqarylýy týraly esepti usynatyndyqtan, ol sondaı-aq Úkimettiń ótken qarjy jylyndaǵy respýblıkalyq bıýdjettiń atqarylýy týraly esebine berilgen Joǵary aýdıtorlyq palata usynymdarynyń oryndalýy týraly esep berýi tıis. Bul – respýblıkalyq bıýdjet qarajatyn bólý men paıdalanýda qarjylyq ashyqtyqty qamtamasyz etýdegi mańyzdy qadam», — dedi Joǵary aýdıtorlyq palata múshesi.

Sóz sońynda Joǵary aýdıtorlyq palatanyń qyzmetine júrgizilgen «dárejesi boıynsha teń» tekserý sheńberinde sheteldik áriptester beretin saraptamalyq baǵalaýlar Qazaqstandaǵy memlekettik aýdıt júıesin odan ári jetildirý jónindegi jumysta tolyq eskeriletinin atap ótti. «Osy tekserýdiń aldyn ala nátıjelerine súıene otyryp, Joǵary aýdıtorlyq palata jaqsartýdy talap etetin salalarda belsendi jumys isteýde», — dep qorytyndylady Rasýl Rahımov.