جاڭالىقتار
مەملەكەتتىك عيماراتتاردى جارماق بولعان تەرروريست سوتتالدى
فوتو: ۇقك
كىسى ءولتىردى دەپ سوتتالعان اقتاۋ تۇرعىنى ماڭعىستاۋدا مەملەكەتتىك مەكەمەلەردى جارىپ جىبەرمەك بولدى, دەپ حابارلايدى qandastar.kz Orda.kz-كە سىلتەمە جاساپ.
اقتاۋ قالالىق سوتى لاڭكەستىك ارەكەت جاسادى جانە تەرروريزمدى ناسيحاتتادى دەپ ايىپتالعان قالا تۇرعىنىنا ۇكىم شىعاردى. ۇلتتىق قاۋىپسىزدىك كوميتەتى انىقتاعانداي, لاڭكەستىك ارەكەتتى جۇزەگە اسىرۋ ءۇشىن ول قولدان جاسالعان جارىلعىش قۇرىلعى جاسالعان كومپونەنتتەردى ساتىپ العان.
«سونىڭ ىشىندە زاقىمدايتىن ەلەمەنتتەر – بولتتار مەن شەگەلەر. ول شابۋىل نىساناسى رەتىندە ماڭعىستاۋ وبلىسىنداعى مەملەكەتتىك مەكەمەلەردىڭ عيماراتتارىن تاڭدادى, فوتو جانە بەينە جازبالار ارقىلى اۋماقتى زەرتتەدى», – دەپ ناقتىلادى ۇقك.
سوت ونى 18 جىلعا باس بوستاندىعىنان ايىردى. ايتپاقشى, سوتتالۋشى بۇرىن ادام ولتىرگەنى ءۇشىن سوتتى بولعان.
