Memlekettik ǵımarattardy jarmaq bolǵan terrorıst sottaldy

Foto: UQK

Kisi óltirdi dep sottalǵan Aqtaý turǵyny Mańǵystaýda memlekettik mekemelerdi jaryp jibermek boldy, dep habarlaıdy  qandastar.kz  Orda.kz-ke silteme jasap.

Aqtaý qalalyq soty lańkestik áreket jasady jáne terrorızmdi nasıhattady dep aıyptalǵan qala turǵynyna úkim shyǵardy. Ulttyq qaýipsizdik komıteti anyqtaǵandaı, lańkestik áreketti júzege asyrý úshin ol qoldan jasalǵan jarylǵysh qurylǵy jasalǵan komponentterdi satyp alǵan.

«Sonyń ishinde zaqymdaıtyn elementter – bolttar men shegeler. Ol shabýyl nysanasy retinde Mańǵystaý oblysyndaǵy memlekettik mekemelerdiń ǵımarattaryn tańdady, foto jáne beıne jazbalar arqyly aýmaqty zerttedi», – dep naqtylady UQK.

Sot ony 18 jylǵa bas bostandyǵynan aıyrdy. Aıtpaqshy, sottalýshy buryn adam óltirgeni úshin sotty bolǵan.