جاڭالىقتار
مەملەكەتتىك كەڭەسشى جاڭا زاڭ جايلى پىكىر ءبىلدىردى
بۇل – ۇلتتىق قۇرىلتايدا كوتەرىلگەن باستامالاردى جۇزەگە اسىرۋ اياسىندا قابىلدانعان ءۇشىنشى زاڭ. قۇجات پارلامەنت دەپۋتاتتارىنىڭ باستاماسىمەن ازىرلەندى. بۇل جايلى ەرلان قارين Telegram جەلىسىندەگى رەسمي پاراقشاسىندا جاريالادى.
ول مەملەكەتتىك ناگرادالاردى اتاقتى تۇلعالاردىڭ اتىمەن اتاۋ الەمدىك تاجىريبە ەكەنىن اتاپ ءوتتى. مۇنداي قادام حالىق قاھارماندارىنىڭ ەسىمىن ۇلىقتاپ, جالپىۇلتتىق بىرلىكتى نىعايتۋعا زور ۇلەس قوسادى, – دەدى ول. ەرلان قارين, قر مەملەكەتتىك كەڭەسشىسى: – مەملەكەتتىك ناگرادالاردى اتاقتى تۇلعالاردىڭ اتىمەن اتاۋ تاجىريبەسى كوپتەگەن ەلدە بار. مۇنداي قادام حالىق قاھارماندارىنىڭ ەسىمىن ۇلىقتاۋعا, جالپىۇلتتىق بىرلىكتى نىعايتۋعا جانە وتانشىلدىق سەزىمدى وياتۋعا زور ۇلەس قوسادى. اتىراۋدا وتكەن ۇلتتىق قۇرىلتاي وتىرىسىندا مەملەكەت باسشىسى قاسىم-جومارت توقاەۆ «ايبىن» وردەنىنىڭ دارەجەلەرىنە ۇلت باتىرلارىنىڭ ەسىمىن بەرۋدى ۇسىندى. سونداي-اق پرەزيدەنت تالدىقورعانداعى اسكەري اۆيابازاعا كەڭەس وداعىنىڭ ەكى مارتە باتىرى سەرگەي لۋگانسكيدىڭ ەسىمىن بەرۋ تۋرالى ماسەلە كوتەردى. بۇل باستامالار – كەلەسى جىلى 80 جىلدىعى اتاپ وتىلەتىن ورتاق جەڭىسكە ولشەۋسىز ۇلەس قوسقان سوعىس جانە ەڭبەك ارداگەرلەرىنە جاسالعان شەكسىز قۇرمەتتىڭ بەلگىسى.
