Memlekettik keńesshi jańa zań jaıly pikir bildirdi

Bul – Ulttyq quryltaıda kóterilgen bastamalardy júzege asyrý aıasynda qabyldanǵan úshinshi zań. Qujat Parlament depýtattarynyń bastamasymen ázirlendi. Bul jaıly Erlan Qarın Telegram jelisindegi resmı paraqshasynda jarııalady.

Ol memlekettik nagradalardy ataqty tulǵalardyń atymen ataý álemdik tájirıbe ekenin atap ótti. Mundaı qadam halyq qaharmandarynyń  esimin ulyqtap, jalpyulttyq birlikti nyǵaıtýǵa zor úles qosady, – dedi ol. Erlan Qarın, QR Memlekettik keńesshisi: — Memlekettik nagradalardy ataqty tulǵalardyń atymen ataý tájirıbesi kóptegen elde bar. Mundaı qadam halyq qaharmandarynyń esimin ulyqtaýǵa, jalpyulttyq birlikti nyǵaıtýǵa jáne otanshyldyq sezimdi oıatýǵa zor úles qosady. Atyraýda ótken Ulttyq quryltaı otyrysynda Memleket basshysy Qasym-Jomart Toqaev «Aıbyn» ordeniniń dárejelerine ult batyrlarynyń esimin berýdi usyndy. Sondaı-aq Prezıdent Taldyqorǵandaǵy áskerı avıabazaǵa Keńes Odaǵynyń eki márte batyry Sergeı Lýganskııdiń esimin berý týraly másele kóterdi. Bul bastamalar – kelesi jyly 80 jyldyǵy atap ótiletin ortaq jeńiske ólsheýsiz úles qosqan soǵys jáne eńbek ardagerlerine jasalǵan sheksiz qurmettiń belgisi.