مەملەكەتتىك كىرىستەر باسقارماسى ءىرى سالىق تولەۋشىلەردىڭ زاڭسىزدىقتارىن جاسىرعان

فوتو: اشىق دەرەككوز

شىمكەنت قالاسىنىڭ مەملەكەتتىك كىرىستەر باسقارماسى  جالپى سوماسى 709,5 ملن تەڭگەگە جالعان شوت-فاكتۋرا جازىپ بەرگەن 5 سالىق تولەۋشىگە قاتىستى 5 اكىمشىلىك قۇقىق بۇزۋشىلىق تۋرالى ءىستى زاڭسىز توقتاتقان, دەپ حابارلايدى qandastar.kz

بۇل زاڭسىزدىقتى شىمكەنت قالاسىنىڭ تۇران اۋدانىنىڭ پروكۋراتۋراسى تەكسەرىس جۇرگىزگەن كەزدە انىقتادى.

turkystan.kz جازعانداي, روكۋراتۋرا ارالاسقاننان كەيىن جوعارىدا كورسەتىلگەن ىستەردى توقتاتۋ تۋرالى قاۋلىلاردىڭ كۇشى جويىلدى.

جالعان شوت-فاكتۋرا جازىپ بەرگەن سالىق تولەۋشىلەرگە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 280-بابى (جالعان شوت-فاكتۋرا جازىپ بەرۋ) بويىنشا جالپى سوماسى 85,1 ملن تەڭگە اكىمشىلىك ايىپپۇل سالىندى.

قازىرگى ۋاقىتتا 41,6 ملن تەڭگە ءوندىرىلدى. وسىلايشا ەملەكەتتىڭ ماتەريالدىق مۇددەسى قورعالدى.