مەملەكەتتىك كىرىستەر كوميتەتى قازاقستاندىقتارعا ۇندەۋ جاسادى

مەملەكەتتىك كىرىستەر كوميتەتى قازاقستاندىقتارعا ۆەدومستۆو باسشىلىعى اتىنان مەسسەندجەرلەر ارقىلى جىبەرىلگەن جالعان حابارلامالار سانى ارتقانىن ەسكەرتتى, دەپ حابارلايدى qandastar.kz

مەملەكەتتىك كىرىستەر كوميتەتىنىڭ Telegram ارناسىندا جاريالانعان اقپاراتقا سەنسەك, مەكەمە باسشىلىعىنىڭ اتىنان WhatsApp جانە Telegram ارقىلى جالعان حابارلامالار جىبەرۋ جاعدايلارى جيىلەپ كەتتى. حابارلامالاردى ينتەرنەت-الاياقتار تاراتىپ وتىر.

«وسىعان بايلانىستى, مەملەكەتتىك كىرىستەر كوميتەتى ازاماتتاردى ساق بولۋعا شاقىرادى جانە مىناداي كەڭەستەر بەرەدى:

كۇماندى حابارلامالارعا سەنبەۋ;

بوگدە سىلتەمەلەرگە وتپەۋ;

بەلگىسىز تۇلعالارعا اقشا اۋدارماۋ;

الىنعان حابارلامالاردىڭ شىنايىلىعىن مىندەتتى تۇردە تەكسەرۋ», — دەلىنگەن مەكەمە حابارلاماسىندا.