جاڭالىقتار
مەملەكەتتىك كۇزەت قىزمەتى تۋرنير وتكىزدى
فوتو: اشىق دەرەككوز
قر مەملەكەتتىك كۇزەت قىزمەتىنىڭ باستاماسىمەن “مايلان” دالالىق وقۋ ورتالىعىندا Millitary Drone Race ءتۋرنيرى ءوتتى, دەپ جازدى qandastar.kz
سايىسقا قر مەملەكەتتىك كۇزەت قىزمەتى, قر ۇلتتىق قاۋىپسىزدىك كوميتەتى, قر ىشكى ىستەر مينيسترلىگى, قر قورعانىس مينيسترلىگى, قر توتەنشە جاعدايلار مينيسترلىگى, ت.ب. قۇرىلىمداردىڭ كوماندالارى قاتىستى. ءتۋرنيردىڭ سەرىكتەسى — “Ashyk Aspan Foundation” ءبىلىم جانە عىلىم قورى. سايىس ناتيجەسىندە قر مكق كومانداسى جەڭىمپاز اتاندى, ەكىنشى ورىندا قر ۇقك “ا” ارنايى جاساعى كومانداسى, ال راديوەلەكترونيكا جانە بايلانىس اسكەري-ينجەنەرلىك ينستيتۋتى كومانداسى ءۇشىنشى ورىنعا يە بولدى.
ايتا كەتەيىك, FPV-درونداردى باسقارۋ ءتۋرنيرى وسى سالاداعى مامانداردىڭ كاسىبي شەبەرلىگىن دامىتۋعا باعىتتالدى. سايىس ولارعا جاڭا جۇيەلەردى باسقارۋ داعدىلارىن جەتىلدىرىپ, پراكتيكالىق تاجىريبە الماسۋعا مۇمكىندىك بەردى جانە ۇشقىشسىز باسقارىلاتىن ۇشۋ قوندىرعىلارىن تاكتيكالىق قولدانۋ سالاسىن ودان ءارى دامىتۋعا ۇلەسىن قوستى دەۋگە بولادى.
