Memlekettik kúzet qyzmeti týrnır ótkizdi

Foto: ashyq derekkóz

QR Memlekettik kúzet qyzmetiniń bastamasymen “Maılan” dalalyq oqý ortalyǵynda Millitary Drone Race týrnıri ótti, dep jazdy  qandastar.kz

Saıysqa QR Memlekettik kúzet qyzmeti, QR Ulttyq qaýipsizdik komıteti, QR Ishki ister mınıstrligi, QR Qorǵanys mınıstrligi, QR Tótenshe jaǵdaılar mınıstrligi, t.b. qurylymdardyń komandalary qatysty. Týrnırdiń seriktesi — “Ashyk Aspan Foundation” bilim jáne ǵylym qory. Saıys nátıjesinde QR MKQ komandasy jeńimpaz atandy, ekinshi orynda QR UQK “A” arnaıy jasaǵy komandasy, al Radıoelektronıka jáne baılanys áskerı-ınjenerlik ınstıtýty komandasy úshinshi orynǵa ıe boldy.

Aıta keteıik, FPV-drondardy basqarý týrnıri osy saladaǵy mamandardyń kásibı sheberligin damytýǵa baǵyttaldy. Saıys olarǵa jańa júıelerdi basqarý daǵdylaryn jetildirip, praktıkalyq tájirıbe almasýǵa múmkindik berdi jáne ushqyshsyz basqarylatyn ushý qondyrǵylaryn taktıkalyq qoldaný salasyn odan ári damytýǵa úlesin qosty deýge bolady.