Memlekettik múlik jáne jekeshelendirý departamentiniń basshysy sottaldy

Qaraǵandy oblysy boıynsha Memlekettik múlik jáne jekeshelendirý departamentiniń basshysy D.Hamzınge jáne osy departamenttiń Qarjylyq qamtamasyz etý bóliminiń basshysy K.Qashqynbaevqa qatysty úkim shyqty, dep habarlaıdy Qandastar.kz aqparat portaly.

Hamzın Qazynashylyq departamentiniń ǵımaratyn aǵymdaǵy jóndeý boıynsha oryndalǵan jumystar aktisine qol qoıǵany úshin 1 mln teńge kóleminde para alǵany úshin kináli dep tanyldy.

Sonymen qatar ol Qashqynbaevpen birge topta olarmen úlestes tulǵalardy jalǵan jumysqa ornalastyrý arqyly 2,5 mln teńge jymqyrdy.

Hamzın men Qashqynbaevqa tıisinshe 55 mln teńge jáne 25,4 mln teńge aıyppul túrinde jaza taǵaıyndaldy.

Sondaı-aq, olarǵa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıy tyıym salyndy.

Sot aktisi zańdy kúshine engen joq.