مەملەكەتتىك ورمان قورعاۋ قىزمەتكەرلەرىنىڭ جالاقىسىنا 100 پايىزعا دەيىن ۇستەماقى قوسىلادى

فوتو: ەگەمەن قازاقستان

ەكولوگيا جانە تابيعي رەسۋرستار ءمينيسترىنىڭ بۇيرىعى جوباسىنا سايكەس, ورمان, بالىق جانە اڭشىلىق شارۋاشىلىعى سالاسىنداعى ازاماتتىق قىزمەتشىلەرگە, مەملەكەتتىك بيۋدجەت قاراجاتى ەسەبىنەن ۇستالاتىن ۇيىمداردىڭ قىزمەتكەرلەرىنە, قازىنالىق كاسىپورىنداردىڭ قىزمەتكەرلەرىنە ەڭبەك جاعدايلارى ءۇشىن قوسىمشا اقىلار مەن ۇستەمەاقىلار بەرىلمەك. بۇل تۋرالى Stan.kz اقپارات اگەنتتىگى حابارلايدى.

“قازاقستان رەسپۋبيكاسى مەملەكەتتىك ورمان كۇزەتى قىزمەتتەرىنىڭ, ورمان ءورت ءسوندىرۋ ستانتسيالارىنىڭ ورتكە قارسى قىزمەتتەرىنىڭ, ورمان ورنالاستىرۋ ۇيىمدارىنىڭ جۇمىسكەرلەرىنە, ورماندى جانە جانۋارلار دۇنيەسىن اۆياتسيالىق قورعاۋدىڭ ءورت ءسوندىرۋشى دەسانتشىلارىنا, تابيعات قورعاۋ مەكەمەلەرىنىڭ مەملەكەتتىك ينسپەكتورلارىنا جانە جانۋارلار دۇنيەسىن قورعاۋ, ورمانداردى كۇزەتۋ, قورعاۋ, ءوسىمىن مولايتۋ جانە ورمان پايدالانۋ جونىندەگى مامانداندىرىلعان ۇيىمداردىڭ, بالىق شارۋاشىلىعىنىڭ سۋ ايدىندارىنا جانە (نەمەسە) ۋچاسكەلەرىنە بالىق جىبەرۋ جونىندەگى ءوسىم مولايتۋ كەشەنى مەملەكەتتىك كاسىپورىندارىنىڭ ينسپەكتورلارىنا دەنساۋلىققا جانە ومىرگە زيان كەلۋ قاۋپىنىڭ تونۋىنە بايلانىستى جۇمىسى ءۇشىن لاۋازىمدىق اقىدان 100% مولشەردە ۇستەماقى بەرىلەدى”, – دەلىنگەن قۇجاتتا.

جالاقىعا 100 پايىزدىق ۇستەمەاقىنى ورمان ءورت ءسوندىرۋ ستانتسيالارىنىڭ, ورمان مەكەمەلەرىنىڭ, تابيعات قورعاۋ جانە ورمان شارۋاشىلىعى ۇيىمدارىنىڭ قىزمەتكەرلەرى الادى.

• ورمان ءورت سوندىرۋشىلەرى;
• ءورت ءسوندىرۋ ماشينالارىنىڭ جۇرگىزۋشىلەرى;
• تراكتورشى-ماشينيستەر;
• راديووپەراتورلار;
• ءورت ءسوندىرۋ ماشينالارىن, جابدىقتارى مەن اپپاراتۋرالارىن جوندەۋ سلەسارلارى;
• ءورت باقىلاۋ مۇناراسىنىڭ باقىلاۋشىلارى.