Jańalyqtar
Memlekettik orman qorǵaý qyzmetkerleriniń jalaqysyna 100 paıyzǵa deıin ústemaqy qosylady
Foto: Egemen Qazaqstan
Ekologııa jáne tabıǵı resýrstar mınıstriniń buıryǵy jobasyna sáıkes, orman, balyq jáne ańshylyq sharýashylyǵy salasyndaǵy azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbek jaǵdaılary úshin qosymsha aqylar men ústemeaqylar berilmek. Bul týraly Stan.kz aqparat agenttigi habarlaıdy.
“Qazaqstan Respýbıkasy memlekettik orman kúzeti qyzmetteriniń, orman órt sóndirý stanııalarynyń órtke qarsy qyzmetteriniń, orman ornalastyrý uıymdarynyń jumyskerlerine, ormandy jáne janýarlar dúnıesin avıaııalyq qorǵaýdyń órt sóndirýshi desantshylaryna, tabıǵat qorǵaý mekemeleriniń memlekettik ınspektorlaryna jáne janýarlar dúnıesin qorǵaý, ormandardy kúzetý, qorǵaý, ósimin molaıtý jáne orman paıdalaný jónindegi mamandandyrylǵan uıymdardyń, balyq sharýashylyǵynyń sý aıdyndaryna jáne (nemese) ýchaskelerine balyq jiberý jónindegi ósim molaıtý kesheni memlekettik kásiporyndarynyń ınspektorlaryna densaýlyqqa jáne ómirge zııan kelý qaýpiniń tónýine baılanysty jumysy úshin laýazymdyq aqydan 100% mólsherde ústemaqy beriledi”, – delingen qujatta.
Jalaqyǵa 100 paıyzdyq ústemeaqyny orman órt sóndirý stanııalarynyń, orman mekemeleriniń, tabıǵat qorǵaý jáne orman sharýashylyǵy uıymdarynyń qyzmetkerleri alady.
- Orman órt sóndirýshileri;
- О́rt sóndirý mashınalarynyń júrgizýshileri;
- Traktorshy-mashınıster;
- Radıooperatorlar;
- О́rt sóndirý mashınalaryn, jabdyqtary men apparatýralaryn jóndeý slesarlary;
- О́rt baqylaý munarasynyń baqylaýshylary.
