Memlekettik saıttar nege jumys istemeı tur?

«Ulttyq aqparattyq tehnologııalar» AQ («UAT» AQ) jaǵdaıǵa túsinikteme berdi.

«Memlekettik organdardyń serverlik ortalyǵynyń ınfraqurylymyndaǵy tehnıkalyq aqaýǵa baılanysty «UAT» AQ qoldaý kórsetetin birqatar qyzmetter ýaqytsha qoljetimdi emes. Osy sebepti eGov.kz portalynyń, eGov mobıldi qosymshasynyń, «E-lıenzııa» jáne «Ashyq úkimet» portaldarynyń, Memlekettik organdardyń Biryńǵaı ınternet-portalynyń jáne «UAT» AQ basqa da jobalarynyń quramdas bólikterin paıdalanýshylar qyzmetterdiń ishinara qoljetimsizdigine tap bolýy múmkin «, – dep habarlady uıym.

«UAT» AQ mamandary qyzmetterdiń fýnkıonaldyǵyn tolyq qalpyna keltirý úshin bar kúsh-jigerin salyp, jumys isteýde. Jumystardy aıaqtaý jaqyn arada josparlanǵan.

«Sonymen qatar, halyqqa qyzmet kórsetý ortalyqtarynda qyzmetterdiń ýaqytsha qoljetimsizdigi jáne ekinshi deńgeıli bankterdiń ótinishteri boıynsha memlekettik qyzmetterdi alý múmkindigi bolýy múmkin ekenin habarlaımyz. Ýaqytsha qolaısyzdyqtar úshin keshirim suraımyz», – dep qosty «UAT» AQ.