مەملەكەتتىك ساتىپ الۋلار پورتالىن جۇرگىزۋگە شامادان تىس قارجى جۇمسالىپتى

فوتو:

وتكەن جىلعى ەسەپ بويىنشا پورتال ارقىلى جاسالعان ساتىپ الۋلار 7,7 ترلنعا جەتكەن, – دەپ حابارلايدى qandastar.kz

وتكەن جىلى پورتال جۇمىسىنا ءتورت جارىم ميلليارد تەڭگە كەتكەن. بۇل تۋرالى قارجى مينيسترلىگى مالىمدەدى.

مينيسترلىك وكىلىنىڭ مالىمەتىنشە, قازىر پورتالعا 120 مىڭ قىزمەت كورسەتۋشى كومپانيا مەن 24 مىڭ تاپسىرىپ بەرۋشى تىركەلگەن. قارجى ۆيتسە-ءمينيسترى شىعىننىڭ كوپ ەكەنىنە كەلىسەتىنىن, الايدا پورتالدىڭ جۇمىسىنىڭ دا وڭاي ەمەس ەكەنىن اتاپ ءوتتى.

“پورتالدىڭ اتقاراتىن قىزمەتى وتە كۇردەلى. وتكەن جىلعى ەسەپ بويىنشا پورتال ارقىلى جاسالعان ساتىپ الۋلار 7,7 ترلنعا جەتكەن. وسى قارجىنى رەتتەۋ ءۇشىن شتاتتار, ارنايى مودۋلدەر قاجەت. پورتال قاراپايىم سايت ەمەس, ول جەردە سەرۆەرلەر, قاجەتتى اقپاراتتار ساقتالادى”, – دەدى قارجى ۆيتسە-ءمينيسترى داۋرەن كەڭبەيىل.

پورتالدى قولدانۋشىلاردان تۇسكەن قارجىنىڭ بارلىعى “ەلەكتروندىڭ قارجى ورتالىعىنىڭ” ەسەپشوتىنا جيناقتالادى. ارتىلعان قارجى رەسپۋبليكالىق بيۋدجەتكە جىبەرىلەدى.

ايتا كەتەيىك, 2025 جىلدىڭ 1 قاڭتارىنان باستاپ سىبايلاس جەمقورلىققا قاتىسى بار قىزمەت كورسەتۋشى كومپانيالاردىڭ مەملەكەتتىك ساتىپ الۋلارعا قاتىسۋىنا تىيىم سالىنادى. مينيسترلىكتىڭ مالىمەتىنشە, وتكەن جىلى مەملەكەتتىك ساتىپ الۋ كەزىندەگى سىبايلاس جەمقورلىق ارەكەتتەرىنە قاتىستى 32 مىڭ شاعىم تۇسكەن.