Memlekettik satyp alýlar portalyn júrgizýge shamadan tys qarjy jumsalypty

Foto:

О́tken jylǵy esep boıynsha portal arqyly jasalǵan satyp alýlar 7,7 trlnǵa jetken, – dep habarlaıdy qandastar.kz

О́tken jyly portal jumysyna tórt jarym mıllıard teńge ketken. Bul týraly qarjy mınıstrligi málimdedi.

Mınıstrlik ókiliniń málimetinshe, qazir portalǵa 120 myń qyzmet kórsetýshi kompanııa men 24 myń tapsyryp berýshi tirkelgen. Qarjy vıe-mınıstri shyǵynnyń kóp ekenine kelisetinin, alaıda portaldyń jumysynyń da ońaı emes ekenin atap ótti.

“Portaldyń atqaratyn qyzmeti óte kúrdeli. О́tken jylǵy esep boıynsha portal arqyly jasalǵan satyp alýlar 7,7 trlnǵa jetken. Osy qarjyny retteý úshin shtattar, arnaıy modýlder qajet. Portal qarapaıym saıt emes, ol jerde serverler, qajetti aqparattar saqtalady”, – dedi qarjy vıe-mınıstri Dáýren Keńbeıil.

Portaldy qoldanýshylardan túsken qarjynyń barlyǵy “Elektrondyń qarjy ortalyǵynyń” esepshotyna jınaqtalady. Artylǵan qarjy respýblıkalyq bıýdjetke jiberiledi.

Aıta keteıik, 2025 jyldyń 1 qańtarynan bastap sybaılas jemqorlyqqa qatysy bar qyzmet kórsetýshi kompanııalardyń memlekettik satyp alýlarǵa qatysýyna tyıym salynady. Mınıstrliktiń málimetinshe, ótken jyly memlekettik satyp alý kezindegi sybaılas jemqorlyq áreketterine qatysty 32 myń shaǵym túsken.