الەۋمەت جانە قوعامجاڭالىقتارمادەنيەت
مەملەكەتتىك ءتىلدى ۇيرەنەم دەۋشىلەر ءۇشىن جاڭا مۇمكىندىكتەر پايدا بولادى.
مەملەكەتتىك ءتىلدى ۇيرەنەم دەۋشىلەر ءۇشىن جاڭا مۇمكىندىكتەر پايدا بولادى. ول ءۇشىن قازاق ءتىلىن مەڭگەرۋ مەن ديالوگ قۇرۋ الاڭدارى ۇيىمداستىرىلىپ, اقپاراتتىق جوبالار ىسكە اسىرىلماق. بۇگىن ەلوردادا وتكەن قازاقستان حالقى اسسامبلەياسى مەن حالىقارالىق «قازاق ءتىلى» قوعامى مەموراندۋمعا قول قويدى. قازاقستاندا مەكەن ەتەتىن وزگە ۇلت وكىلدەرى قازاق ءتىلىن قوسىمشا ۇيرەنۋ ءۇشىن اسسامبلەيا اياسىنداعى ورتالىقتارعا جۇگىنەدى. ياعني, باس قوسۋ پلاتفورماسى بار. ەندى ونىڭ مازمۇنىن بايىتا ءتۇسۋ كەرەك. سول ءۇشىن اتالعان تاراپتار ىنتىماقتاستىقتىڭ جاڭا دەڭگەيىنە قادام باسۋعا ۋاعدالاستى. راۋان كەنجەحان ۇلى, حالىقارالىق «قازاق ءتىلى» قوعامى پرەزيدەنتى: – قازاق ءتىلىنىڭ مەملەكەتتىك ءتىل رەتىندە ەلىمىزدەگى ءتۇرلى ۇلتتاردى بىرىكتىرەتىن ۇلكەن مۇمكىندىگى بار. وسى باعىتتا شىنىندا دا وسىنداي ازاماتتارعا كومەكشى بولا الاتىن, تىرەك بولا الاتىن, دەمەۋ جاساي الاتىن ءتۇرلى جوبالارعا, باستامالارعا نەگىز بولماقشى.
