«Memlekettiń qorǵanys qabiletine nuqsan keltirý»: Qorǵanys mınıstrligi merzimdi áskerı qyzmetke qatysty petıııalarǵa túsinikteme berdi

Foto: Qorǵanys mınıstrligi

Qorǵanys mınıstrligi elimizdegi merzimdi qyzmettiń kúshin joıý týraly usynystarǵa qatysty málimdeme jasady. Bul týraly qandastar.kz Stan.kz aqparat agenttigine silteme jasap habarlaıdy.

Mınıstrlik konstıtýııaǵa sáıkes «Qazaqstan Respýblıkasyn qorǵaý-onyń árbir azamatynyń qasıetti paryzy jáne mindeti» ekenin atap ótti.

«Merzimdi qyzmettiń kúshin joıý búkil memlekettiń qaýipsizdigine nuqsan keltiredi jáne syrtqy qaterler týyndaǵan jaǵdaıda óz aýmaǵynda beıbitshilik pen turaqtylyqty qamtamasyz ete almaıdy. Ákimshilik kodekske sáıkes, “qorǵanys” taqyryby petıııa nysanasy bola almaıdy. Bul bastama – memlekettiń qorǵanys qabiletine nuqsan keltirý», – delingen mınıstrlik habarlamasynda.

Sondaı-aq mınıstrlik Qazaqstan áskeriniń negizgi áleýeti kelisimshart boıynsha qyzmet etetin áskerılerden quralatynyn atap ótti.

«Qazaqstan 70-30 araqatynasyn saqtaı otyryp, kelisimsharttyq qyzmetke basymdyq beredi. Elimizdiń jaýyngerlik áleýetin negizinen kelisimshart boıynsha jumys isteıtin áskerı qyzmetkerler qamtamasyz etedi. 30% merzimdi qyzmetke shaqyrylǵan sarbazdar. Merzimdi qyzmettegi sarbazdar qyzmet barysynda áskerı qyzmettiń qarapaıym daǵdylaryn meńgeredi, jaýyngerlik jaǵdaıda áreket etýdi, oq atýdy, jaýyngerlik mashınalardy basqarýdy úırenip, fızıkalyq jáne moraldyq jaǵynan shyńdalady», – delingen habarlamada.

Eske salsaq, buǵan deıin ePetition.kz resmı portalynda Qazaqstandaǵy áskerı qyzmetke qatysty eki petıııa paıda bolǵan edi. Bireýinde qazaqstandyqtar merzimdi qyzmetten bas tartýdy usynsa, ekinshisinde – áskerge shaqyrý jasyn 18 jastan 20 jasqa deıin ulǵaıtý usynyldy.