«Men ólgende molda kelmesin, janazamdy shyǵarmasyn» deıdi tanymal kásipker

Foto: ashyq derekkóz

Internettegi áleýmettik jelide tanymal ınvestor, kásipker, ekonomıst Marat Tolybaev óziniń janazasyna qatysty málimdeme jasady dep habarlaıdy qandastar.kz Democrat.kz silteme jasap.

TıkTok áleýmettik jelisinde Marat Tolybaev: «Men ólgende eshqandaı da ımam-molda shaqyrmaýdy, maǵan arnap mazar qazyp, onyń basyna kesene ornatpaýdy, otyn, energııa jumsap, krematorııge jaqpaýdy málimdeımin. Men ólsem, meni keń dalaǵa aparyp kómip, betin tegisteı salsyn. Bul týraly birneshe ret aıttym da. О́ıtkeni men ólgen soń qurt-qumyrsqaǵa qorek, al jerge bıologııalyq qunar beretin materıalǵa aınalamyn», – deıdi kásipker.

Marat Tolybaevtyń bul vıdeosyna qatysty jurt «ólgen soń quıymshaqtaǵy jumyr súıekten qaıta tirilip, Allanyń aldyna barasyń», «Múńkir Náńkir kelgende meni keri qaıtaryńdar dep shyńǵyrasyń», «ólgen adamdy bir jerge ádeıi kómedi, keıin sol jerden munaı shyǵady», «mine, eń aqyldy kisiniń sózi!», «ólgen soń janaza tiriler úshin mańyzdy» degen syńaıda pikir jazýda.