«Men ózimdi qorǵadym»: Adam ólimine ákelgen tóbeles úshin aıyptalǵan qazaqstandyq bosap shyqty

Foto: skrın

Qorǵanamyn dep baıqaýsyzda adam óltirdi dep aıyptalǵan pavlodarlyq jigitke qatysty atyshýly is sotta qaraldy, dep habarlaıdy qandastar.kz aqparat portaly Stan.kz-ke silteme jasap. 

Qaıǵyly oqıǵa ótken jyly 11 tamyzda Pavlodardaǵy «Gogol» túngi klýbynyń janynda bolǵan. Beınebaqylaý kameralarynan 23 jastaǵy jigittiń ózi aldymen eki jas jigitke jaqyndap, olardyń birine shabýyl jasaǵanyn baıqaýǵa bolady. Onyń qolynda pyshaq bolǵan, keıin ony qaltasyna salyp qoıǵan.

Biraz ýaqyttan keıin jigitter arasynda tóbeles bastalyp, ekeýi jerge qulaǵan. Sottalýshy shabýyldaýshyny uryp-soǵyp, ózin qorǵaýǵa tyrysqan. Ol artqa sheginip, janjaldan qashpaq bolǵanda qarsylasy oǵan pyshaq sermep, artynsha qulap qaıtys bolǵan.

Sot-medıınalyq saraptama jas jigittiń ólimine bas-mı jaraqaty men mıyna qan quıylý sebep bolǵanyn anyqtady.

О́tken jyly kúzde ózin qorǵaǵan Pavlodar turǵyny jábirlenýshiniń ólimine ákep soqtyrǵan densaýlyqqa qasaqana aýyr zııan keltirgeni úshin kináli dep tanylyp, 4,5 jylǵa sottalǵan edi.

Marqumnyń anasy bul jazany tym jeńil dep sanap, ony qatańdatýdy talap etti. Prokýratýra jábirlenýshini 8 jylǵa bas bostandyǵynan aıyrýdy surady.

Degenmen sottalýshy Jolamannyń advokaty  aıyptalýshy ózin-ózi qorǵaý maqsatynda ǵana áreket etkenin aıtyp, aqtaýdy surady. Apellıaııalyq sot beınematerıaldardy qaıta qarap, dárigerlik saraptamany tyńdady. Talqylaý barysynda marqumnyń anasy óz talaptaryn rastady

«Onyń zań boıynsha jazalanýyn qalaımyn. Qandaı is-áreket jasaǵanyn túsinsin. Ol tiri, biraq meniń ulym endi joq…», – dedi áıel sotqa.

Sottalýshy óz kinásin moıyndamady.

«Meniń ne isteýim kerek edi? Úndemeı ólip, onyń janyńda jatýym kerek pe edi? Tipti janýar da qaýip tóngende  ózin qorǵaıdy. Onyń agressııasyn kórgende, ózimdi qorǵaýym keregin túsindim. Qolynda pyshaǵy boldy, al mende eshteńe joq. Ketip qalǵym keldi, biraq ol meni jibermedi. Ol pyshaǵyn kez kelgen ýaqytta qoldanýy múmkin edi», – deıdi sottalýshy.

Sot dáleldemelerdi egjeı-tegjeıli zerdeleı kele, birinshi satydaǵy sottyń úkimin ózgertip, sottalǵan adamnyń áreketin Qylmystyq kodekstiń 106-babynyń 3-bóliginen (Densaýlyqqa qasaqana aýyr zııan keltirý) 112-babynyń 2-bóligine (Qajetti qorǵanys sheginen shyǵý kezinde densaýlyqqa aýyr zııan keltirý) qaıta saralady.

«Qaýipsizdigi eń tómen mekemede bir jylǵa bas bostandyǵynan aıyrý jazasy taǵaıyndalsyn. Úkimge eseptelgen qamaýda bolǵan ýaqytyn eskere otyryp, eki táýlikke bir táýlik esebimen sottalýshy jazasyn ótedi dep eseptelip, ol dereý qamaýdan bosatylsyn», – dep habarlady Pavlodar oblystyq sotynyń qylmystyq ister jónindegi sot alqasynyń tóraǵasy Murat Soltybaev sot qaýlysynda.