«Men saıqymazaq emespin!»: Nurlan Qoıanbaev renishin bildirdi

Jýyrda Túrkistan oblysy ákiminiń kreatıvti ındýstrııany damytý baǵyty boıynsha shtattan tys keńesshisi bolyp taǵaıyndalǵan Nurlan Qoıanbaev áleýmettik jelide renishin bildirgen jazba qaldyrdy, dep habarlaıdy qandastar.kz.

Men Qazaqstan Respýblıkasynyń azamatymyn. Qyzylorda oblysy Shıeli aýdanynyń týmasymyn. №45 gımnazııa mektebin altynǵa bitirdim. Qazaq Ulttyq Ál-Farabı ýnıversıtetiniń tarıh fakýltetinde bilim aldym. Ekonomıka jáne quqyq akademııasynda fınans jáne kredıt mamandyǵyn bitirdim.

300 mılıondyq aýdıtorııasy bar, eń iri jastardyń oıynynda, Máskeý qalasynda qazaqtyń ázilin tórge shyǵarǵan komandanyń kapıtany boldym. (tek myqty memleketterdiń ǵana ázili damyǵan: AQSh, Anglııa, Franııa t.b) Telearna salasynda baǵdarlamamyz 9,3 reıtıngimen rekordtyq nátıje kórsetti. Ony telearna salasynda qyzmet atqaratyndar, televızııa tarıhyndaǵy eń joǵarǵy reıtıngteriniń biri ekenin aıtyp bere alady.

Kıno salasyna kelip, ol salanyń mamany bolmasam da, Gollıvýdtyń dáýirin toqtattym. Memlekettik bıýdjetten bir tıyn almaı, jumys isteýge bolatynyn kórsettik. Bul úrdis jas rejısserlerge serpin berip, jol ashyp, keıingi ýaqytta jylyna 120 ǵa jýyq otandyq fılmder túsirilip jatyr. Iaǵnı, jyl saıyn Gollıvýdqa ketetin 100 mln dollarǵa jýyq aqsha, endi elimizde qalýda. Ol degenimiz 4-5 jylda 500 mln dollar!

Munyń barlyǵy kreatıvtiń arqasynda. Osy kreatıvti oılarymdy paıdalanyp elime qyzmet etkim keledi.

Oblys ákimderimen kezdesip, kóp oılarymmen bólisip júrmin. Ázirge tek Túrkistan oblysy ǵana kreatıvti ıdeıalarymdy qoldady. Eshqandaı aılyqsyz jáne bıýdjetten tys.

Baıqaǵanym, keıbir jýrnalısterdiń maqalalarynda “Saıqymazaq”, “Kloýn” degen sııaqty sózder shyǵýda. Men saıqymazaq emespin, men qazaqpyn! Eshkimge kerek emes, eshkim mán bermıtin ázil salasynda 25 jyl eńbek etip, 5 myń teńgelik aılyqtan, 100 mıllıon dollarlyq ındýstrııany qalyptastyrǵan kreatıvti prodıýserlerdiń birimin!

Mysaly, Qazaqstan Respýblıkasynyń Aqparat mınıstrliginiń vıe-mınıstri — Kochetov Evgenıı degen azamat taǵaıyndalǵanda eshkim shýlap, rezonans týdyrmady. Men de Kochetov Evgenıı sııaqty elime qyzmet jasaǵym keledi. Nege men óz elimde tipti, aılyǵy joq qyzmetke turǵanda, aqtalyp, post jazýym kerek?!

Negizi, negatıv jazatyndar kóp emes. Aıtqym kelgeni, elimizdi damytamyz desek, pozıtıvti, tekti qazaqtardyń belsendiligi qajet, — dep jazdy Nurlan Qoıanbaev áleýmettik jelide.