“مەن سول ساتتە قورىقتىم“. شەرزات بولات ىسىندە كۋاگەردىڭ جاۋاپتارى وزگەردى

فوتو: اشىق دەرەككوز

تالدىقورعاندا جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا شەرزات ىسىندە كۋاگەر دەپ تانىلعان ەلميرا نۇربەكوۆا بۇعان دەيىن ايتقان ءسوزىن جوققا شىعاردى, دەپ حابارلايدى   Dalanews.kz.

نۇربەكوۆا سوتتا جانە تەرگەۋ كەزىندە ابزال شىناسىلدىڭ قولىندا پىشاق بولعانىن جانە شەرزاتتىڭ ارقاسىنا سوققى جاساعانىن ءوز كوزىمەن كورگەنىن ايتقان ەدى. الايدا سوت بارىسىندا ول بۇل مالىمدەمەسىنە قارسى پىكىر ءبىلدىرىپ, ايىپتالۋشىنىڭ قولىنان پىشاق كورمەگەنىن جەتكىزدى.

سونداي-اق مەملەكەتتىك ايىپتاۋشى نۇربەكوۆادان وقيعا ورىن العاننان كەيىن زاڭ وكىلدەرىنە نە سەبەپتى حابارلاماعانىن سۇرادى. كۋاگەر بۇل سۇراققا بىلاي دەپ جاۋاپ بەردى:

“مەن سول ساتتە قورىقتىم. دانامەن تالعارعا جەتكەن سوڭ, پوليتسياعا بارىپ, بارلىعىن ايتىپ بەرەمىز دەپ ويلادىم”, — دەدى ول.

ەسكە سالا كەتەيىك, 10 ساۋىردە تالدىقورعاندا شەرزات پولاتتىڭ ولىمىنە قاتىستى سوت پروتسەسى باستالدى.

سوتتا پروكۋرور كۇدىكتىلەردىڭ ەسىمدەرىن اتادى:

شىناسىل ابزال نۇرعالي ۇلى

ساكيەۆ راۆيل ماگومەدوۆيچ

بەلعوجاەۆ شىڭعىس ايدوس ۇلى

ازكەنتاي دارحان بايىلحان ۇلى

توقتاۋباەۆ نۇربول مۇراتبەك ۇلى

ءىلياسوۆ نۇرقياس تولەكبەك ۇلى

توقتاۋباەۆ ازامات ماراتبەك ۇلى

قالياحمەت ديدار ەركىن ۇلى

ىسقاق دۋمان قايدار ۇلى