«مەن ءۇشىن اۋىر قازا…»: گەننادي گولوۆكين العاشقى باپكەرىنىڭ وتباسىنا كوڭىل ايتتى

فوتو: mail.ru

قازاقستان ۇلتتىق وليمپيادالىق كوميتەتىنىڭ پرەزيدەنتى گەننادي گولوۆكين بوكستان قازاقستاننىڭ ەڭبەك سىڭىرگەن جاتتىقتىرۋشىسى ۆيكتور دميتريەۆتىڭ وتباسىنا كوڭىل ايتتى, دەپ حابارلايدى qandastar.kz   وlympic.kz-كە سىلتەمە جاساپ.

«قازاقستان رەسپۋبليكاسى ۇلتتىق وليمپيدالىق كوميتەتى ۇجىمىنىڭ اتىنان جانە جەكە ءوز اتىمنان ورنى تولماس اۋىر قايعىعا بايلانىستى شىن جۇرەكتەن كوڭىل ايتامىن. بۇل – بۇكىل سپورت قاۋىمداستىعى ءۇشىن عانا ەمەس, ونىڭ شاكىرتى رەتىندە مەن ءۇشىن دە اۋىر قازا. ۆيكتور كونستانتينوۆيچ تەك ۇزدىك جاتتىقتىرۋشى عانا ەمەس, ناعىز تالىمگەر, ۇستاز, ۇلگى بولاتىن جان ەدى. ونىڭ سپورتقا دەگەن ادالدىعى, كاسىبيلىگى جانە ءاربىر سپورتشىعا ەرەكشە كوزقاراسپەن قاراي ءبىلۋى ءبىزدىڭ جادىمىزدا ماڭگى ساقتالادى. ول قازاقستانداعى بوكستىڭ دامۋىنا ولشەۋسىز ۇلەس قوسىپ, تۇتاس ءبىر دارىندى سپورتشىلار بۋىنىن تاربيەلەپ شىعاردى. ورىن تولماس اۋىر قازاعا بايلانىستى شىن جۇرەكتەن كوڭىل ايتامىن. ونىڭ جارقىن بەينەسى جۇرەگىمىزدە ماڭگى ساقتالادى», — دەيدى گەننادي گولوۆكين.