«Men úshin aýyr qaza…»: Gennadıı Golovkın alǵashqy bapkeriniń otbasyna kóńil aıtty

Foto: mail.ru

Qazaqstan Ulttyq Olımpıadalyq komıtetiniń prezıdenti Gennadıı Golovkın bokstan Qazaqstannyń eńbek sińirgen jattyqtyrýshysy Vıktor Dmıtrıevtiń otbasyna kóńil aıtty, dep habarlaıdy qandastar.kz   Olympic.kz-ke silteme jasap.

«Qazaqstan Respýblıkasy Ulttyq Olımpıdalyq komıteti ujymynyń atynan jáne jeke óz atymnan orny tolmas aýyr qaıǵyǵa baılanysty shyn júrekten kóńil aıtamyn. Bul – búkil sport qaýymdastyǵy úshin ǵana emes, onyń shákirti retinde men úshin de aýyr qaza. Vıktor Konstantınovıch tek úzdik jattyqtyrýshy ǵana emes, naǵyz tálimger, ustaz, úlgi bolatyn jan edi. Onyń sportqa degen adaldyǵy, kásibıligi jáne árbir sportshyǵa erekshe kózqaraspen qaraı bilýi bizdiń jadymyzda máńgi saqtalady. Ol Qazaqstandaǵy bokstyń damýyna ólsheýsiz úles qosyp, tutas bir daryndy sportshylar býynyn tárbıelep shyǵardy. Oryn tolmas aýyr qazaǵa baılanysty shyn júrekten kóńil aıtamyn. Onyń jarqyn beınesi júregimizde máńgi saqtalady», — deıdi Gennadıı Golovkın.