«مەنى ايىپتاپ, قۋدالايىن دەپ جاتىر»: اينۇر تۇرسىنباەۆانىڭ كۇيەۋى كۇتپەگەن مالىمدەمە جاسادى

فوتو: اشىق دەرەككوز

ايتىسكەر اقىن اينۇر تۇرسىنباەۆانىڭ كۇيەۋى, “نويس” لاقاپ اتىمەن تانىمال نۇرجان يماناليەۆ الەۋمەتتىك جەلىدە جازبا جاريالادى,   دەپ جازدى   qandastar.kz  Aikyn.kz-كە سىلتەمە جاساپ.

ول وزىنە جالا جابىلىپ جاتقانىن ايتىپ, جۇرتتى الاڭداتىپ قويدى.

«ءبىر ادامدى ايىپتاۋ وڭاي. بىراق ادامنىڭ تاعدىرى – ءبىر پاراق حاتتامادان تۇرمايدى. ونىڭ جۇرەگى بار. ونىڭ ارتىندا تاربيە, ءومىر جولى, ەلىنە دەگەن سۇيىسپەنشىلىگى بار. ءبىز ەل توناماعان, بىرەۋدىڭ نانىن تارتىپ الماعان, ەشكىمنىڭ كوز جاسىنا قالعان جاۋىز ەمەسپىز. ءبىز دە دۇعا تىلەيمىز. ءبىز دە ءوز ۇيىمىزگە امان-ەسەن ورالۋدى اڭسايمىز. ءبىز دە ەلدىڭ تىنىشتىعىن قالايمىز. ءيا, جاستىقپەن كەتكەن قاتەلىكتەر بولعان شىعار. بىراق ءبىز ەسەيدىك, ساباق الدىق, تۇزەلدىك. قوعامعا پايداسى تيەتىن ازامات بولۋعا تىرىستىق. ءبىز ەشقاشان مەملەكەتكە, ۇكىمەتكە نەمەسە ەل باسشىلىعىنا قارسى شىققان ەمەسپىز. قايتا, زاڭ الدىندا مىندەتىمىز بولسا – جاۋاپ بەردىك. بۇگىندە مەنى دالەلسىز ايىپتاپ, جالا جاۋىپ, قۋدالاۋعا تىرىسىپ جاتقاندار بار. بىراق مەن ەشكىمدى ساتقان جوقپىن. ەشقايدا قاشقان جوقپىن. مەن – تۋعان جەرىن, ەلىن, حالقىن شىن جۇرەگىمەن سۇيەتىن قاراپايىم قازاقپىن», — دەيدى ول.