«Meni aıyptap, qýdalaıyn dep jatyr»: Aınur Tursynbaevanyń kúıeýi kútpegen málimdeme jasady

Foto: ashyq derekkóz

Aıtysker aqyn Aınur Tursynbaevanyń kúıeýi, “Noıs” laqap atymen tanymal Nurjan Imanálıev áleýmettik jelide jazba jarııalady,   dep jazdy   qandastar.kz  Aikyn.kz-ke silteme jasap.

Ol ózine jala jabylyp jatqanyn aıtyp, jurtty alańdatyp qoıdy.

«Bir adamdy aıyptaý ońaı. Biraq adamnyń taǵdyry – bir paraq hattamadan turmaıdy. Onyń júregi bar. Onyń artynda tárbıe, ómir joly, eline degen súıispenshiligi bar. Biz el tonamaǵan, bireýdiń nanyn tartyp almaǵan, eshkimniń kóz jasyna qalǵan jaýyz emespiz. Biz de duǵa tileımiz. Biz de óz úıimizge aman-esen oralýdy ańsaımyz. Biz de eldiń tynyshtyǵyn qalaımyz. Iá, jastyqpen ketken qatelikter bolǵan shyǵar. Biraq biz eseıdik, sabaq aldyq, túzeldik. Qoǵamǵa paıdasy tıetin azamat bolýǵa tyrystyq. Biz eshqashan memleketke, úkimetke nemese el basshylyǵyna qarsy shyqqan emespiz. Qaıta, zań aldynda mindetimiz bolsa – jaýap berdik. Búginde meni dálelsiz aıyptap, jala jaýyp, qýdalaýǵa tyrysyp jatqandar bar. Biraq men eshkimdi satqan joqpyn. Eshqaıda qashqan joqpyn. Men – týǵan jerin, elin, halqyn shyn júregimen súıetin qarapaıym qazaqpyn», — deıdi ol.