«Meni óltirgeli jatyr»: aqtóbelik áıeldiń qońyraýyn jaýapsyz qaldyrǵan 112 dıspetcheriniń jazasy jeńildetildi

Aqtóbelik kelinshektiń qońyraýyn jaýapsyz qaldyrǵan dıspetcherdiń jazasyn Aqtóbe oblystyq soty jeńildetti. Ol 2 jylǵa bas bostandyǵynan aıyrylǵan bolatyn, dep habarlaıdy qandastar.kz KYN.KZ aqparat agenttigine silteme jasap.

Appellıaııalyq sot tótenshe jaǵdaılar qyzmetiniń jedel dıspetcheri Ádil Qalıdollanyń isin 21 qazanda qyrkúıekte shyǵarylǵan úkimin qaıta qarady. Nátıjesinde eki jyl bas bostandyǵynan aıyrý jazasy eki jylǵa bas bostandyǵynan shekteýge aýystyryldy.

Úkimdi ózgertý týraly sheshim qandaı qabyldanǵanyn oblystyq sot naqtylaǵan joq.

Eske salsaq, 9 maýsymda saǵat 12:18-de qutqarý qyzmetine 55 jastaǵy Klara Sultanbaeva qońyraý shalyp, ózin áldekmniń óltirgeli jatqanyn aıtqan. Alaıda qońyraýdy qabyldaǵan qutqarý qyzmetiniń dıspetcheri Ádil Kalıdolla salǵyrttyq tanytyp, meken-jaıyn naqtylaýmen shektelgen. Áıel sol kúni Toyota Camry avtokóligin satýǵa shyqqan. Ol  «olar meni óltiredi!» dep qatty aıqaılaǵan. Biraq dıspetcher kómek jibermegen. Saldarynan Klara Sultanbaeva qaskóıler qolynan qaza tapqan.