«Meni óltirmek»: Aqtóbede kómek suraǵan áıelge nemquraıly qaraǵan dıspetcher sotqa tartyldy

Aqtóbede ólim aldynda áıel jedel qutqarý qyzmetine qońyraý shalyp, kómek suraǵan. Alaıda qyzmetker onyń sózine nemquraıly qarap, mán bermegen. Endi ol osy úshin sotqa tartyldy, dep habarlaıdy  qandastar.kz Skifnews.kz aqparat portalyna silteme jasap.

«Eýrazııa» birinshi arnasynyń málimetinshe, 9 maýsymda 55 jastaǵy áıel kóligin satý úshin kólik bazaryna shyǵyp, joǵalyp ketken. Joǵalǵan áıeldiń týystary polıııaǵa habarlasqan. Sóıtse kóligin qaraýǵa kelgen adam ony tunshyqtyryp, denesin qala syrtyna tastap, kóligin garajǵa tyǵyp qoıǵan.

Áıel ólim aldynda 911 nómerine habarlasyp, «Meni óltirgeli jatyr!» degen eken. Alaıda dıspetcher oǵan nemquraılylyq tanytypty. Sózinshe, ol arada turmystyq janjal bolyp jatyr dep oılapty. Ol kinásin moıyndap, marqumnyń jaqyndarynan keshirim surady.

«Meni óltirgeli jatyr» dep aıqaılaǵanyn estimedim. Tek shyńǵyrǵan jáne aıqalaǵan daýystardy estip, muny otbasylyq janjal dep oıladym. Sol kúni óte kóp qońyraýlar kelip jatty, bári bir ýaqytta keldi. Eger onyń daýsyn estigende, polıııa men men jedel járdemdi jiberer edim. Keshirim suraımyn, men qatelik jiberdim», – dedi aıyptalýshy.

Prokýror aıyptalýshynyń salǵyrttyǵynan ólim boldy deıdi. Sózinshe, marqum ázildep turmaǵanyn jáne kómekke muqtaj ekenin aıtqan.

«Bul – óz jumysyna nemquraılylyq tanytý. «Men onyń daýsyn estimedim» deıdi. Qalaı estimeýge bolady, ol shyńǵyryp jatyr ǵoı?! Ony estimeý múmkin emes edi», – dedi marqumnyń ápkesi Madına Dúkenbaeva.

Dese de ol dıspetcherge keshirim berýge daıyn ekenin aıtty. Aıyptalýshy moraldyq jáne materıaldyq ótemaqy tóledi. Biraq ol 4 jylǵa deıin bas bostandyǵynan aıyrylýy múmkin.