«Meni osyndaı dárejege túsirgenderdi Qudaıǵa tapsyrdym»: Darıǵa Badyqovanyń eks-kúıeýi jan syryn aqtardy

Aktrısa Darıǵa Badyqovamen resmı túrde ajyrasyp ketkenin málimdegen Darhan Musaev jan syryn aqtardy, dep habarlaıdy Qandastar.kz

Ol 16 jyl boıy ónerden oıyp oryn almaǵanyn, sondaı-aq talanty men ónerin tunshyqtyryp kelgenin aıtty.

«Sizdermen ishimdegi bolyp jatqan qubylyspen bóliskim kelip otyr.

Mamandyǵym óner adamy bola tura 16 jyl boıy ónerden oıyp oryn almappyn, boıymdaǵy talantymdy, ónerimdi tunshyqtyryppyn.

О́zimdi qolǵa alyp, dem saldyryp Rýqııa oqytqaly kózim ashylyp ómirdi basqasha sezine bastadym.

Bul emdi maǵan aılap jalǵastyrdy, sebebi tula boıymda tylsym kúshterdiń kedergileri anyqtaldy. Al, ony tazalaýǵa ájepteýir kúsh ketti. Qazir esimdi jıyp, ótkenime qarasam ókinish ózegimdi órteıdi, meni osyndaı dárejege túsirýge sebepshi bolǵan jandardy, bir Qudaıǵa tapsyrdym», – dedi D. Musaev.

Eske sala keteıik, buǵan deıin Darhan Musaev 16 jyl birge erli-zaıypty retinde ómir súrgen aktrısa Darıǵa Badyqovamen ajyrasyp ketkenin málimdegen bolatyn. Keıin Darhan Musaev otbasyna qatysty taǵy bir shyndyǵyn bólisip, jazba jarııalaǵan bolatyn.