مەنى جەمقور دەپ قارالاتۋ ءۇشىن دە ارنايى اقشا ءبولىندى – ەلجان ءبىرتانوۆ بار شىندىقتى باياندادى

فوتو: اشىق دەرەككوز

دەنساۋلىق ساقتاۋ ەكس-ءمينيسترى ەلجان ءبىرتانوۆ  بار شىندىعىمەن ءبولىستى, دەپ حابارلايدى qandastar.kz  Alash.kz ۇلتتىق پورتالىنا سىلتەمە جاساپ.

ءبىرتانوۆ وزىنە تاعىلعان ايىپتاردىڭ بارلىعى جالعان ەكەنىن, جەمقور ادام دەپ قارالاعان ادامدارعا ءوزىنىڭ شىندىعىن ايتتى.

«دەنساۋلىق ساقتاۋ بۇرىنعى ءمينيسترى رەتىندە مەنىڭ ءوزىمنىڭ جاۋاپكەرشىلىگىم بار. قوزعالعان قىلمىستىق ءىستىڭ سوت پروتسەسى اشىق ءوتتى. جۋرناليستەر كەلىپ قاتىستى. سول كەزدە مەن بىرنەشە رەت ءوز پوزيتسيامدى جەتكىزگەن بولاتىنمىن. «مەن دەنساۋلىق ساقتاۋ ەكس-ءمينيسترى رەتىنە ءوز جاۋاپكەرشىلىگىمدى تولىق سەزەمىن, قاشپايمىن, دايىنمىن. مەن مينيستر رەتىندە قانداي دا ءبىر شەشىمدى دۇرىس قابىلداماسام جانە بۇل تەرگەۋ بارىسىندا دالەلدەنسە, مەن ونى مونىنداۋعا دايىنمىن. بىراق بۇل فاكت دالەلدەنۋى كەرەك.

قاي جەردەن, قانداي قاتە كەتكەنىن كورسەتىڭىزدەر» دەدىم. سوت بارىسىندا جەمقورلىق بويىنشا زەرتتەۋ جۇرگىزىلدى. قازاقستان ازاماتى رەتىندە كونستيتۋتسيادا كورسەتىلگەن ءوزىمدى قورعاۋعا قۇقىعىم بار, بىراق سول كەزدە دە ماعان «ەلجان ەشقانداي جەمقورلىق جوق, بىراق كوماندا بەرىلگەن. سەبەبى كوروناۆيرۋس كەزىندە ءولىم كوپ بولدى, حالىق مەملەكەتتەن كوپ دۇنيە كۇتتى, كومەك المادى» دەپ ءتۇسىندىردى. مەن ونى تۇسىنەمىن, سول كەزدە دە ايتتىم, بۇعان قاتىستى پرەزيدەنتكە دە حات جولدادىم. ارينە, مەن مينيستر رەتىندە, مەملەكەتتىك قىزمەتكەر رەتىندە حالىق كۇتكەن ناتيجەگە قول جەتكىزە الماعانىم ءۇشىن جاۋاپكەرشىلىگىم بار. مەن ونى تۇسىنەمىن جانە مويىندايمىن. ال مەن عانا كىنالى, مەن جەمقورمىن دەگەندى ەشقاشان دا مويىندامايمىن», – دەدى ول.

«مەنى قاماۋعا العاندا الەۋمەتتىك جەلىدە ء«بىرتانوۆ جەمقور» دەگەن تاقىرىپپەن ءتۇرلى-ءتۇرلى جاڭالىق, ۆيدەو شىعىپتى. مەن ونى تۇرمەدە وتىرعاننان كەيىن كورمەدىم, شىققاننان كەيىن دە مۇمكىندىك بولمادى. بىراق ۋاقىت وتكەننەن كەيىن كوردىم. نەگىزى مۇنداي اقپاراتتىڭ ءبارىن جۋرناليستەرگە ءبىر ادام بەردى عوي. بىراق بۇل دالەلدەنگەن جوق. قوزعالعان 11 قىلمىستىق ءىستىڭ بىرەۋىندە بولسىن جەمقورلىق تابىلدى ما? الايدا سونداي اقپارات تاراتىلدى. مۇنى بىرەۋ ارنايى تاراتتى, وعان اقشا ءبولىندى. سەبەبى ماعان كوپ جۋرناليست جازدى, ولاردىڭ ايتۋىنشا, سوت كەزىندە مەن تۋرالى تەرىس اقپارات تارات دەگەن تاپسىرىس كەلىپ تۇسكەن, ال ولار ەكس-ءمينيستردى جاقسى بىلەتىنىن, ولاي جاسامايتىنىن ايتىپ باس تارتقان. وسىنداي دا جاعدايلار بولدى», – دەدى ەكس-مينيستر.