Meni jemqor dep qaralatý úshin de arnaıy aqsha bólindi – Eljan Birtanov bar shyndyqty baıandady

Foto: ashyq derekkóz

Densaýlyq saqtaý eks-mınıstri Eljan Birtanov  bar shyndyǵymen bólisti, dep habarlaıdy qandastar.kz  Alash.kz ulttyq portalyna silteme jasap.

Birtanov ózine taǵylǵan aıyptardyń barlyǵy jalǵan ekenin, jemqor adam dep qaralaǵan adamdarǵa óziniń shyndyǵyn aıtty.

«Densaýlyq saqtaý burynǵy mınıstri retinde meniń ózimniń jaýapkershiligim bar. Qozǵalǵan qylmystyq istiń sot proesi ashyq ótti. Jýrnalıster kelip qatysty. Sol kezde men birneshe ret óz pozıııamdy jetkizgen bolatynmyn. «Men Densaýlyq saqtaý eks-mınıstri retine óz jaýapkershiligimdi tolyq sezemin, qashpaımyn, daıynmyn. Men mınıstr retinde qandaı da bir sheshimdi durys qabyldamasam jáne bul tergeý barysynda dáleldense, men ony monyndaýǵa daıynmyn. Biraq bul fakt dáleldenýi kerek.

Qaı jerden, qandaı qate ketkenin kórsetińizder» dedim. Sot barysynda jemqorlyq boıynsha zertteý júrgizildi. Qazaqstan azamaty retinde Konstıtýııada kórsetilgen ózimdi qorǵaýǵa quqyǵym bar, biraq sol kezde de maǵan «Eljan eshqandaı jemqorlyq joq, biraq komanda berilgen. Sebebi koronavırýs kezinde ólim kóp boldy, halyq memleketten kóp dúnıe kútti, kómek almady» dep túsindirdi. Men ony túsinemin, sol kezde de aıttym, buǵan qatysty Prezıdentke de hat joldadym. Árıne, men mınıstr retinde, memlekettik qyzmetker retinde halyq kútken nátıjege qol jetkize almaǵanym úshin jaýapkershiligim bar. Men ony túsinemin jáne moıyndaımyn. Al men ǵana kináli, men jemqormyn degendi eshqashan da moıyndamaımyn», – dedi ol.

«Meni qamaýǵa alǵanda áleýmettik jelide «Birtanov jemqor» degen taqyryppen túrli-túrli jańalyq, vıdeo shyǵypty. Men ony túrmede otyrǵannan keıin kórmedim, shyqqannan keıin de múmkindik bolmady. Biraq ýaqyt ótkennen keıin kórdim. Negizi mundaı aqparattyń bárin jýrnalısterge bir adam berdi ǵoı. Biraq bul dáleldengen joq. Qozǵalǵan 11 qylmystyq istiń bireýinde bolsyn jemqorlyq tabyldy ma? Alaıda sondaı aqparat taratyldy. Muny bireý arnaıy taratty, oǵan aqsha bólindi. Sebebi maǵan kóp jýrnalıst jazdy, olardyń aıtýynsha, sot kezinde men týraly teris aqparat tarat degen tapsyrys kelip túsken, al olar eks-mınıstrdi jaqsy biletinin, olaı jasamaıtynyn aıtyp bas tartqan. Osyndaı da jaǵdaılar boldy», – dedi eks-mınıstr.