«مەنىڭ قورعاۋشىلارىم قوبالجۋلى»: جۇلدىز ابدىكارىموۆا زاڭگەرلەردەن كومەك سۇرادى

فوتو: https://www.instagram.com/zhuldyzabdukarimovaofficial/

تانىمال اكتريسا جۇلدىز ابدىكارىموۆا ءوزىن سان سوقتىرعان الاياقپەن سوتتاساتىنىن ايتتى. بۇل تۋرالى Stan.kz اقپارات اگەنتتىگى حابارلايدى.

كينوجۇلدىز جەڭىپ شىعۋ ءۇشىن زاڭگەرلەردەن كومەك سۇرادى.

«سوت بولادى! مەنىڭ قورعاۋشىلارىم قوبالجۋلى. قارسى تاراپ – تامىر-تانىستارىن قوسىپ, سوتقا ىقپال ەتۋگە ارەكەت ەتىپ جاتىر ەكەن. قانشا جەردەن دوكەيلەرىن قوسىپ, تىرناعىن باتىرعىسى كەلسە دە, مەن ءادىل سوتقا سەنەمىن. مەنىڭ وقىرماندارىم ءتۇرلى پىكىردە ەكەن. ارالارىڭىزدا زاڭگەرلەر بار بولسا, كەڭەس بەرسەڭىزدەر. جازبانى جاريالايمىن. ول ءۇشىن زاڭگەرلەرمەن اقىلداسۋىم كەرەك. ءبارىن تولىق اشىپ جازامىن», – دەپ جازدى ول جەلىدە.

ونەر يەسىنىڭ الەۋمەتتىك جەلىدەگى وقىرماندارى اراسىندا زاڭ سالاسىنىڭ ماماندارى تابىلا كەتتى. ولار اكتريساعا قازىر سوت قاتاڭ باقىلاۋدا ەكەنىن ايتىپ, قولداۋ كورسەتىپ جاتىر.

ادىلدىك بار! قورىقپاي, ءوزىڭىزدىڭ پوزيتسياڭىزدا تۇرىڭىز! باستىسى – اشىق باق-قا جازىپ وتىرىڭىز. قازىر ءبارى قاتاڭ قاداعالاۋعا الىنعان, «زاڭگەرمىن! ادىلدىك بار! اشىق سوت وتىرىسى بولسىن! ۋايىمداماڭىز» – دەپ پىكىر ءبىلدىردى زاڭ وكىلى.

ەسكە سالايىق, «بىرنەشە قۇجاتقا قول قويدىردى» دەگەن جۇلدىز ابدىكارىموۆا سوتتاسايىن دەپ جاتقانىن مالىمدەگەن ەدى.