Jańalyqtar
Mereke kúnderi hırýrgtar úsh donorlyq aǵzany transplanttady
Eldiń ár túkpirinen kelgen úsh paıentke bir aǵza donorynyń eki búıregi men júregi transplantattaldy.
Mereke aldyndaǵy kúni Ulttyq ǵylymı onkologııa ortalyǵy men Astana qalasynyń Kardıohırýrgııalyq ortalyǵynyń transplantologtary, kardıohırýrgtary, anestezıologtary men meıirgerleri quramyndaǵy joǵary bilikti dárigerler toby sanavıaııa bortynda Pavlodar oblysyna keldi.
Sonymen qatar, Astana qalasynda kútý paraǵynda turǵan baǵdarlamamen iriktelgen reıpıentter qosymsha taldaýlar tapsyrý úshin shaqyryldy.
«Medıınalyq zerttep-qaraýdan ótý nátıjesi boıynsha jáne komıssııanyń sheshimi boıynsha 26 jastaǵy reıpıent anyqtaldy. Ol búırektiń V termınaldy satysy dıagnozymen 6 jyl boıy gemodıalızde bolǵan.
Astana qalasyndaǵy Ulttyq ǵylymı onkologııa ortalyǵynda dárigerler eresek paıentke kadaverlik búırekti transplantattaýdy sátti júrgizdi», — delingen Densaýlyq saqtaý mınıstrliginiń málimetinde.
Reıpıent palataǵa aýystyryldy, búgingi kúni onyń jaǵdaıy jaqsy. Búırek tolyq jumys istep tur.
Ekinshi búırek balaǵa Astanadaǵy Ana men bala ortalyǵynda transplantattaldy.
Úshinshi aǵza — júrekti transplantattaý Kardıohırýrgııalyq ortalyqta júrgizildi.
