مەرەكەدە حقكو قالاي جۇمىس ىستەيدى?

فوتو: اشىق دەرەككوز

«ازاماتتارعا ارنالعان ۇكىمەت» مەملەكەتتىك كورپوراتسياسى حالىققا قىزمەت كورسەتۋ ورتالىقتارى مەن مامانداندىرىلعان ورتالىقتار تاۋەلسىزدىك كۇنى مەرەكەسىنە وراي 16 جەلتوقسان جۇمىس ىستەمەيتىنىن مالىمدەدى, — دەپ حابارلايدى qandastar.kz

بۇل رەتتە, 14 جەلتوقساندا, كەزەكشى ورتالىقتار ءۇشىن جۇمىس كۇنى بولىپ سانالادى. قىزمەتتەردى ساعات 9.00-دەن 13.00-گە دەيىن الۋعا بولادى.

«17 جەلتوقسان, ياعني سەيسەنبى حقكو مەن محقكو ازاماتتاردى ادەتتەگى جۇمىس كەستەسى بويىنشا قابىلدايدى», — دەلىنگەن كورپوراتسيا تاراتقان حابارلامادا.

ەسكە سالايىق, ورتالىقتار جۇمىس كۇندەرى ساعات 9.00-دەن 18.00-گە دەيىن جۇمىس ىستەيدى. كەزەكشى حقكو جۇمىس كۇندەرى ساعات 20.00-گە دەيىن, سەنبى كۇندەرى ساعات 13.00-گە دەيىن جۇمىس ىستەيدى.

كەزەكشى مامانداندىرىلعان حقكو دۇيسەنبى مەن جۇما ارالىعىندا ساعات 18.00-گە دەيىن ازاماتتاردى قابىلدايدى, ال دايىن قۇجاتتاردى ساعات 20.00-گە دەيىن الۋعا بولادى. سەنبى كۇنى مامانداندىرىلعان حقكو ساعات 13.00-گە دەيىن جۇمىس ىستەيدى.