Meshitte adamdarǵa shabýyl jasalyp, 9 adam qaza tapty

Qurbaı aıtta meshitte adamdarǵa shabýyl jasalyp, 9 adam qaza tapty, dep habarlaıdy Qandastar.kz aqparat portaly Mareb Press-ke silteme jasap.

Iemende meshittegi shabýyldan 9 adam qaza tapty. Oqıǵa Iemenniń El-Beıda provınııasynda bolǵan.

Qurban aıt (Id-al-Adha) meıramynda, keshki namaz kezinde belgisiz er adam meshittegi jamaǵatqa shabýyl jasaǵan.

Belgili bolǵandaı, qaskóı adamdar kóp jınalǵan jerge granata laqtyryp, artynsha namaz oqyp turǵan jamaǵatqa oq jaýdyrǵan. Shabýyl saldarynan 9 adam qaza taýyp, taǵy 12 adam jaraqat aldy. Zardap shekkenderdiń qatarynda 12 jastaǵy bala da bar.

Kýágerlerdiń aıtýynsha, meshit ishinde úreı men dúrbeleń bolǵan. Adamdar baǵanalardyń artyna tyǵylyp, oqtan jasyrynyp, keıbiri kóshege qashyp shyǵyp aman qalýǵa tyrysqan.

Jergilikti BAQ-tyń habarlaýynsha, kúdikti shabýyl jasaǵannan keıin bir jarym saǵattan soń ustalǵan. Aldyn ala aqparat boıynsha, onyń psıhıkalyq aýytqýy bolýy múmkin degen joramal bar. Qazir tergeý júrgizilýde, shabýyldyń sebepteri men motıvteri anyqtalyp jatyr.

Adamdar meshitke otbasylarymen birge kelip, ıslamdaǵy eń qasıetti meıramdardyń birin atap ótpek boldy. Bul kún beıbitshilik, duǵa jáne birigýdiń kúni bolýy kerek edi. Alaıda ol qorqynysh pen qasiretke aınaldy, – dep jazýda jergilikti basylymdar.