«مەشىتتە نەكە قيۋ دەگەن بولماعان»: قىدىرالى مەن قاراقات وتباسى قۇرعان ساتتەرىن ەسىنە الدى

تانىمال ءانشى قاراقات ءابىلدينا وسىدان 20 جىل بۇرىن تۇرمىسقا شىققان ءساتىن ەسىنە الدى, دەپ حابارلايدى Qandastar.kz

ء«بىزدىڭ وتباسىمىز ءۇشىن ەرەكشە كۇن. دال وسى 20 تامىز كۇنى اق نەكەمىز قيىلىپ, جاڭا ومىرگە قادام باسقان ەدىك.
ينستاگرام بولماعان شاقتا دا بۇل كۇن ەلەۋسىز قالعان ەمەس, جىل سايىن شۇكىرشىلىكپەن ەسكە الامىز.

بىلتىر كۇمىس تويىمىزدى اتاپ وتتىك بىلەسىزدەر. تويدىڭ ەرەكشە ءساتى العاش نەكەمىزدى قيىپ, باتاسىن بەرگەن لەسبەك قاجىنىڭ شيرەك عاسىردان كەيىن باقىت تويىمىزدىڭ تاعى دا كۋاسى بولىپ, ورتامىزدا بولعانى ەدى.

ءبىز ءۇشىن ۇلكەن قۋانىش, تەرەڭ ءمانى بار ءسات. مىنە, سول العاشقى ءسات پەن بىلتىرعى كۇمىس تويىمىزدان شاعىن ەستەلىك ۆيدەوسىن بولىسىپ وتىرمىن. قاراپ وتىرىپ, ءبىر ساتكە, سول جىلدارعا قايتا ورالعانداي بولدىم. ءار شاڭىراق مەشىتتە اللانىڭ رازىلىعى ءۇشىن اق نەكەمەن باستالۋى ءتيىس. بىراق ءبىزدىڭ زاماندا مەشىتتە نەكە قيۋ دەگەن ءۇردىس بولماعان. ءبىز العاش باستاعان سول ىزگى جولدىڭ كەيىن قالىپتى داستۇرگە اينالعانىن كورۋ ءوز الدىنا ءبىر قۋانىش”, – دەپ جازدى ءانشى.