مەشىتتەگى ساقالدى ەر ادام بلوگەرگە ءبىر تۇنگە نەكەلەسۋدى ۇسىنعان

فوتو: ۆيدەودان كادر

اكتوبەلىك بلوگەر ەممانۋەللا ناۋرىزباەۆا “نۇرعاسىر” مەشىتىندە ەر ادامنىڭ تاراپىنان وعاش ۇسىنىس ەستىگەنىن ايتتى, دەپ حابارلايدى qandastar.kz

بەلگىسىز ەر ادام وعان شاريعات اتىمەن جامىلىپ, ء“بىر تۇنگە نەكەلەسەيىك, جاقىن قارىم-قاتىناس بولسىن” دەگەن مازمۇندا ۇسىنىس جاساعان.

ناۋرىزباەۆا بۇل جاعدايدى ۆيدەوعا ءتۇسىرىپ, كەيىن Instagram پاراقشاسىندا جاريالادى. كادردا ەسىككە سۇيەنىپ تۇرعان ەر ادامنىڭ قىزدىڭ “كەلىسىم بەرمەگەنىنە” اشۋلانعان ءساتى كورىنەدى.

Skifnews.kz  جازعانداي,  بلوگەر بۇل تۋرالى مەشىت اكىمشىلىگىنە جانە قۇزىرلى ورگاندارعا حابارلاعان. كەيىن ەر ادامنىڭ پسيحيكالىق ەسەپتە تۇرعانى انىقتالعان.

“مۇمكىن, اللا مەنى وسى جاعداي ارقىلى باسقالارعا ەسكەرتۋ جاساۋ ءۇشىن تاڭداعان بولار”, — دەپ جازدى ناۋرىزباەۆا.

ونىڭ سوزىنشە, الگى ەر ادامنىڭ اقىل-ەسىندە كەمشىلىك بار جانە ول ارنايى ەسەپتە تۇرعاندىقتان, زاڭ الدىندا جاۋاپقا تارتىلمايدى.

“سول سەبەپتى ونداي ادامداردان ساق بولىڭىزدار. اللا ونىڭ جۇرەگىن دە, ويىن دا ەمدەسىن”, — دەدى بلوگەر.

بلوگەر بۇل ۆيدەونى جاريالاۋعا يماممەن كەڭەسكەن سوڭ شەشىم قابىلداعانىن ايتىپ, جازباسىن باسقالارعا ساباق بولسىن دەگەن نيەتپەن جاريالاعان.