Meshittegi saqaldy er adam blogerge bir túnge nekelesýdi usynǵan

Foto: vıdeodan kadr

Aktóbelik bloger Emmanýella Naýryzbaeva “Nurǵasyr” meshitinde er adamnyń tarapynan oǵash usynys estigenin aıtty, dep habarlaıdy qandastar.kz

Belgisiz er adam oǵan sharıǵat atymen jamylyp, “bir túnge nekeleseıik, jaqyn qarym-qatynas bolsyn” degen mazmunda usynys jasaǵan.

Naýryzbaeva bul jaǵdaıdy vıdeoǵa túsirip, keıin Instagram paraqshasynda jarııalady. Kadrda esikke súıenip turǵan er adamnyń qyzdyń “kelisim bermegenine” ashýlanǵan sáti kórinedi.

Skifnews.kz  jazǵandaı,  bloger bul týraly meshit ákimshiligine jáne quzyrly organdarǵa habarlaǵan. Keıin er adamnyń psıhıkalyq esepte turǵany anyqtalǵan.

“Múmkin, Alla meni osy jaǵdaı arqyly basqalarǵa eskertý jasaý úshin tańdaǵan bolar”, — dep jazdy Naýryzbaeva.

Onyń sózinshe, álgi er adamnyń aqyl-esinde kemshilik bar jáne ol arnaıy esepte turǵandyqtan, zań aldynda jaýapqa tartylmaıdy.

“Sol sebepti ondaı adamdardan saq bolyńyzdar. Alla onyń júregin de, oıyn da emdesin”, — dedi bloger.

Bloger bul vıdeony jarııalaýǵa ımammen keńesken soń sheshim qabyldaǵanyn aıtyp, jazbasyn basqalarǵa sabaq bolsyn degen nıetpen jarııalaǵan.