Meenat óz qarjysyna Sherzat Polattyń otbasyna úı salyp bermek

Foto:© Aıdana Daıyrova

Qazaqstandyq qoǵam belsendisi Aıtbek Amangeldi Talǵarda qaıǵyly jaǵdaıda qaza tapqan 16 jastaǵy Sherzat Polattyń otbasyna meenattyń qarajatyna úı salynatynyn aıtty, dep habarlaıdy qandastar.kz

Aıtbek Amangeldiniń paraqshasynda Sherzattyń ákesi Qarjaýbaı Nurymovtyń otbasyna arnalǵan úı tek meenattyń qarajatyna salynatyny aıtylǵan. Aıtbek Amangeldi pikirlerde ártúrli esepshottar arqyly qarajat jınaý týraly aqparat taralyp jatqandyqtan, alaıaqtyq qaýpi bar ekenin eskertken,  dep jazady Stan.kz.

“Jınalǵan qarajatqa qatysty qosymsha túsiniktemeler:

Qarjaýbaıdyń otbasy úshin úı meenattyń qarajatyna satyp alynady, al Perızattyń jınaǵan aqshasy bul maqsatqa jumsalmaıdy.

Bizdiń bul jınaqqa qatysymyz joq bolǵandyqtan, onyń rekvızıtterin bilmeımiz.

Qazirgi pikirlerde ártúrli rekvızıtter paıda bolyp, alaıaqtyq áreketterge jem bolyp qalmańyzdar. Rekvızıtterdi naqtylaý úshin aqpartatty tikeleı Perızatqa habarlasyp alýǵa bolady. Bul jınaqtyń maqsaty bizge belgisiz.

Perızat eshqandaı qylmystyq is boıynsha jábirlenýshi bolyp sanalmaıdy jáne ol bizdiń senim bildirýshimiz nemese qamqorlyǵymyzdaǵy tulǵa emes. Onyń óz advokattary jáne qoǵamdyq qaıratkerleri bar. Osy jınaqty bizben jáne Qarjaýmen baılanystyrmaýlaryńyzdy suraımyz», – dep jazdy Aıtbek Amangeldi.

Eske salaıyq, 4 qazanǵa qaraǵan túni Talǵarda 16 jastaǵy Sherzat Polat qaza tapqan. Onyń ólimi qoǵamda úlken narazylyq týdyrdy. Marqumnyń ákesi týystarymen jáne jergilikti turǵyndarmen birge ádil tergeý júrgizýdi talap etip, narazylyq uıymdastyrdy. Birneshe kúnnen keıin, 12 qazanǵa qaraǵan túni Nurymovtar otbasynyń úıi tolyǵymen órtenip ketti. Bas prokýratýra órttiń qasaqana jasalǵanyn málimdedi. Jergilikti bılik otbasyna ýaqytsha baspana men táýlik boıy kúzet berdi. Sondaı-aq ákimdik úıdi qalpyna keltirýge ýáde berdi.

Oqıǵalardy tergeý kezinde ishki ister mınıstriniń birinshi orynbasary Baýyrjan Alenov pen Almaty oblysynyń prokýrory Berik Adamov 12 qazanda kinálilerdi anyqtaý boıynsha sharalar týraly málimdedi. Qoǵamdyq tártipti saqtaý úshin Talǵarǵa Ulttyq ulan kúshteri jumyldyryldy.

9 jeltoqsanda Talǵardyń shetinde Sherzat Polattyń janynda bolyp, qaqtyǵys kezinde qaza tapqan jasóspirimniń ákesiniń janynda júrgen onyń aǵasynyń denesi tabylǵany belgili boldy. Polıııa málimetinshe, er adam ózine qol jumsaǵan.