Mıhaıl Saakashvılı taǵy bir taǵyldy

Foto: Rıa Novostı

Tbılısı soty Grýzııanyń burynǵy prezıdenti Mıhaıl Saakashvılıdi 2021 jyly shekarany zańsyz kesip ótkeni úshin tórt jarym jylǵa erkindiginen aıyrý týraly úkim shyǵardy, dep habarlady qandastar.kz

Jergilikti BAQ-tyń habarlaýynsha, Saakashvılı sot otyrysyna qatyspaǵan.

2021 jylǵy 1 qazanda Mıhaıl Saakashvılı Grýzııaǵa, ıaǵnı sodan 8 jyl buryn ketken elge oraldy. Sol kezde grýzın quqyq qorǵaý organdary burynǵy prezıdentti ustap alyp, oǵan shekarany zańsyz kesip ótti degen aıyp taqqan.

Grýzııanyń tergeý organdarynyń deregi boıynsha, Saakashvılı Ýkraınanyń Chernomorsk qalasynan Grýzııanyń Potı portyna bet alǵan «Vılnıýs» dep atalatyn kemede bolǵan. 2021 jylǵy 29 qyrkúıekke qaraǵan túni keme portqa kirgen soń, odan sút ónimderi tıelgen tirkemesi bar treıler shyqqan, Saakashvılı sonyń ishinde bolǵan.

О́tken aptada Tbılısı soty Grýzııanyń burynǵy prezıdentin 2009-2013 jyldar aralyǵynda «bıýdjet qarajatyn talan-tarajǵa salǵany úshin aıypty» dep tanyp, toǵyz jylǵa bostandyǵynan aıyrý týraly úkim shyǵardy. Saakashvılıdiń «Birtutas ulttyq qozǵalys» partııasy úkimniń saıası astary bar dep baǵa berdi.

Saakashvılı qazir «qyzmet ókiletin asyra paıdalanǵany» úshin sot kesken alty jyldyq jaza merzimin ótep jatyr. Qazir 2007 jylǵy 7 qarashada bolǵan oqıǵalarǵa baılanysty onyń ústinen qozǵalǵan is boıynsha tergeý júrip jatyr. Ol kezde Saakashvılı Grýzııa prezıdenti bolatyn, bılik oppozıııa mıtıngisin kúshpen tarqatqan edi. Qamaýda bolǵan kezinde burynǵy prezıdent densaýlyǵy nasharlaǵanyn aıtyp, birneshe ret ashtyq jarııalaǵan.