Mıkkı Maýs beınelengen kúrteshe kıgeni úshin tyńshy degen kúdikke ilindi

9 mamyrda Ekaterınbýrgte polıeıler 53 jastaǵy Lıýdmıla esimdi qala turǵynyn «ekstremıstik» kúrteshesi úshin ustap, bólimshege alyp ketken. Onyń kıiminde Mıkkı Maýs jáne kók, sary jáne sur tústen turatyn úsh kóldeneń jolaq beınelengen. Áıel sheteldik barlaýǵa jumys isteıdi degen kúdikke ilingen. Bul týraly qandastar.kz saıty E1.RU jelilik basylymyna silteme jasap habarlaıdy.

Bul jaıtqa Lıýdmılanyń qyzy Anastasııa kýá bolǵan. Onyń aıtýynsha, anasy júrek talmasynan jaqynda ońalǵan. Qyz polıeılermen bolǵan áńgimeni vıdeoǵa túsirip alǵan.

«Anań Reseı Federaııasynyń Ákimshilik quqyq buzýshylyq týraly kodeksiniń 20.3-babyn (Naıstik atrıbýtıkany nemese belgilerdi nasıhattaý nemese kópshilikke kórsetý) buzdy degen kúdikpen ustaldy.Ekstremızm belgileri bar», — deıdi polıııa qyzmetkeri.

Al vıdeoǵa túsirip turǵan Lıýdmılanyń qyzy Anastasııa Qazaqstannan kóship barǵanyn, Qazaqstannyń týynda da sary jáne kók túster bar ekenin, olardy esh sebepsiz ustaǵanyn aıtady.

«Ondaı eshnárse joq! Men sýretshimin. Sary men kók tús bolsa, boldy ma? Biz Qazaqstannan keldik, osynda azamattyq aldyq. Qazaqstannyń týynda da kók jáne sary túster bar», — deıdi Anastasııa.

Aqyry quqyq qorǵaý organdarynyń qyzmetkerleri Lıýdmıla men qyzyn bólimshege alyp baryp, túsinikteme jazdyrǵan.

“Bizdi bólimshege alyp bardy. Ondaǵy adamdar áldaqaıda adekvatty eken, bir túsinbestik bolǵanyn túsindi. Anam ekeýmizden túsinikteme alyp, kúrtesheni tárkiledi. Hattama toltyrǵan joq. Kúrtesheni 10 kúnnen keıin alyp ketýge bolatynyn aıtty. Ázirge sotqa berýdi oılap otyrǵan joqpyz, bizdiń ústimizden de is qozǵalmaǵan sııaqty. Sol kúnnen keıin organnan eshkim habarlasqan joq, biz kútip júrmiz. Bastysy, bári qalpyna kelip, kúrtesheni qaıtarsa boldy”, – deıdi Lıýdmılanyń qyzy Anastasııa.

Jeli qoldanýshylardyń basym bóligi polıeıler kúrteshedegi sary jáne kók jolaqqa bola ustap alyp ketkenine senbegen. Al keıbireýler áıelder qolyna plakat (molbertti plakat dep qalǵan) ustap shyqqan dep oılaǵan.

“Ol portret úlgileri men “15 mınýtta daıyn bolatyn portret” degen jazý bolatyn. Men adamdardyń sýretin salyp otyrǵanmyn, al álgi planshet jumysymnyń úlgisin kórsetýge arnalǵan bolatyn. Men sýretshimin”, – deıdi Anastasııa.

Ishki ister mınıstrliginiń Ekaterınbýrg boıynsha basqarmasy ókilderi bul jaıtqa pikir bildirýden bas tartqan.