ميلاد كاريمي الەم كۋبوگىندا جۇلدە الدى

فوتو: Olympic.kz

قازاقستاندىق گيمناست ميلاد كاريمي كايردە (مىسىر) ءوتىپ جاتقان الەم كۋبوگى كەزەڭىنىڭ ەكىنشى فينالىندا دا جەڭىسكە جەتتى, دەپ حابارلايدى qandastar.kz

ۇلتتىق وليمپيادا كوميتەتىنىڭ حابارلاۋىنشا, كاريمي كەرمەدەگى جاتتىعۋلاردا ۇزدىك ناتيجە كورسەتتى. ول باعدارلاماسىن ءساتتى ورىنداپ, تورەشىلەردىڭ شەشىمىمەن 14,466 ۇپاي جينادى.

ماريوس گەورگيۋ (كيپر) 14,066 ۇپايمەن ەكىنشى ورىندى يەلەنسە, ال نوە سەيفەرت (شۆەيتساريا) 13,866 ۇپايمەن ءۇشىنشى ورىنعا تۇراقتادى.

ايتا كەتەيىك, كاريمي بۇعان دەيىن ەركىن جاتتىعۋلاردا دا توپ جارعان بولاتىن. ول جالپى ەسەپتە دە الەم كۋبوگىنىڭ جەڭىمپازى اتاندى. جالپى, ونىڭ قورجىنىندا الەم كۋبوگىندا جەڭىپ العان التى التىن مەدال بار.