ميللياردتاعان شىعىنى بار مەملەكەتتىك كومپانيا ەسىل جاعالاۋىنداعى جىلجىمايتىن م ۇلىگىن سىيعا تارتتى

فوتو: sk.kz

تۇركيا جاعالاۋىنداعى 36 ۆيللاسى بار ءساندى Kempinski قوناقۇيىنىڭ 75 پايىزىنا يەلىك ەتەتىن «قازمۇنايگاز-سەرۆيس» مەملەكەتتىك كومپانياسى شىعىنعا باتىپ جاتىر, — دەپ حابارلايدى qandastar.kz.

PROTENGE تەلەگرام ارناسى جازعانداي, وسىدان 2 جىل بۇرىن «قازمۇنايگاز-سەرۆيستىڭ» جيناقتالعان شىعىنى 101 ميلليارد  تەڭگەدەن اسقان. كومپانيانى تەكسەرگەن اۋديتورلاردىڭ «قازمۇنايگاز-سەرۆيس» جۇمىسىن جالعاستىرا الا ما دەپ كۇدىكتەنگەنى دە ەلگە ايان.

بۇل رەتتە 2022 جىلدىڭ جەلتوقسان ايىندا «قازمۇنايگاز-سەرۆيس» استانا قالاسى مامبەتوۆا № 4 ءۇي مەكەن-جايى بويىنشا ورنالاسقان مەنشىكتى تۇرعىندارعا وتەۋسىز بەرگەنى ايتىلادى.

ەسەپتە مەنشىكتىڭ تۇتاس ءۇي نە باسقا ەكەنى اشىپ كورسەتىلمەگەن. بىراق 2000 جىلى سالىنعان ءۇي ەلوردانىڭ تورىندە تۇر. ەسىلدىڭ جاعالاۋىندا, كەنەسارى حان ەسكەرتكىشىنىڭ جانىندا جانە اتىراۋ كوپىرىنەن الىس ەمەس جەردە ورنالاسقانى دا باعاسىن باعامدايدى.

Krisha.kz سايتىن اقتارساق, ءدال قازىر مۇنداعى 4 بولمەلى پاتەردى 67 ميلليون تەڭگەگە ساتىپ جاتىر ەكەن. شارشى مەترى – 535 مىڭ تەڭگە.