Mıllıardtaǵan shyǵyny bar memlekettik kompanııa Esil jaǵalaýyndaǵy jyljymaıtyn múligin syıǵa tartty

Foto: sk.kz

Túrkııa jaǵalaýyndaǵy 36 vıllasy bar sándi Kempinski qonaqúıiniń 75 paıyzyna ıelik etetin «QazMunaıGaz-Servıs» memlekettik kompanııasy shyǵynǵa batyp jatyr, — dep habarlaıdy qandastar.kz.

PROTENGE telegram arnasy jazǵandaı, osydan 2 jyl buryn «QazMunaıGaz-Servıstiń» jınaqtalǵan shyǵyny 101 mıllıard  teńgeden asqan. Kompanııany teksergen aýdıtorlardyń «QazMunaıGaz-Servıs» jumysyn jalǵastyra ala ma dep kúdiktengeni de elge aıan.

Bul rette 2022 jyldyń jeltoqsan aıynda «QazMunaıGaz-Servıs» Astana qalasy Mambetova № 4 úı meken-jaıy boıynsha ornalasqan menshikti turǵyndarǵa óteýsiz bergeni aıtylady.

Esepte menshiktiń tutas úı ne basqa ekeni ashyp kórsetilmegen. Biraq 2000 jyly salynǵan úı elordanyń tórinde tur. Esildiń jaǵalaýynda, Kenesary han eskertkishiniń janynda jáne Atyraý kópirinen alys emes jerde ornalasqany da baǵasyn baǵamdaıdy.

Krisha.kz saıtyn aqtarsaq, dál qazir mundaǵy 4 bólmeli páterdi 67 mıllıon teńgege satyp jatyr eken. Sharshy metri – 535 myń teńge.