ميللياردتىق ۇرلىق: مۇناي كاسىپورىندارىنىڭ باسشىلارى ۇستالدى

فوتو: ru.freepik.com

قازاقستاننىڭ بەس مۇناي-گاز كاسىپورنىندا ميلليارد تەڭگەدەن استام سوماعا ۇرلىق انىقتالدى, دەپ حابارلايدى Tengrinews.kz ماڭعىستاۋ وبلىسىنىڭ پروكۋراتۋراسىنا سىلتەمە جاساي وتىرىپ.

«ويلترانسپورتكورپورەيشن» جشس-ءنىڭ («قازمۇنايگاز» اق ەنشىلەس كاسىپورنى) لاۋازىمدى تۇلعالارى جەتكىزۋشىدەن 1,5 ميلليارد تەڭگەدەن استام سوماعا تەحنيكالىق ەرەكشەلىككە سايكەس كەلمەيتىن اۆتوبۋستاردى قابىلداعانى انىقتالدى. وعان قوسا, ولاردىڭ قۇنىن 400 ميلليون تەڭگەگە قوستى. سونداي-اق, جۇمىس ىستەمەيتىن ارنايى تەحنيكا قىزمەتتەرى ءۇشىن 110 ميلليون تەڭگە مولشەرىندە اقشا قاراجاتىن اۋدارۋ فاكتىلەرى انىقتالدى.

«باسقا كاسىپورىندا – West Oil Software جشس ( «ويلترانسپورتكورپورەيشن» جشس مەردىگەرلىك ۇيىمى) – جۇمىس ىستەمەگەن ادامدارعا 400 ميلليون تەڭگەدەن استام جالاقى تولەۋ, جالاقىنى نەگىزسىز ەسەپتەۋ, ونىڭ ىشىندە كومپانيا باسشىلىعىنىڭ جاقىن تۋىستارىنا اقشا اۋدارۋ فاكتىلەرى انىقتالدى», – دەپ حابارلادى پروكۋراتۋرادا.

اتالعان بۇزۋشىلىقتار بويىنشا قر قك 189-بابىنىڭ 4-بولىگى («سەنىپ تاپسىرىلعان بوتەن م ۇلىكتى ءىرى مولشەردە يەمدەنۋ نەمەسە ىسىراپ ەتۋ») بويىنشا سوتقا دەيىنگى بەس تەرگەۋ باستالدى. ءىس جۇرگىزۋ پروكۋرورلارى تاعايىندالدى.

« سوتقا دەيىنگى تەرگەۋ اياسىندا اتالعان ۇيىمداردىڭ ءتورت باسشى لاۋازىمدى تۇلعاسى ۇستالدى. قىلمىستىق ىستەر وبلىستىڭ ەكونوميكالىق تەرگەۋ دەپارتامەنتىنىڭ وندىرىسىندە جاتىر. باسقا مالىمەتتەر تەرگەۋ مۇددەسى ءۇشىن جاريا ەتىلمەيدى», – دەلىنگەن حابارلامادا.