ميلليونداعان ۇلتتىق قور اقشاسىن وڭدى-سولدى شاشقان ەكس-شەنەۋنىك سوتتالدى

پاۆلودار اۋداندىق پروكۋراتۋراسى تەكسەرۋ بارىسىندا پاۆلودار اۋدانىنداعى ناقتى سەكتور ەكونوميكا ءبولىمىنىڭ باسشىسىنىڭ لاۋازىمىن اسىرا پايدالانۋ فاكتىسىن انىقتادى. اۋىر قىلمىس الەۋمەتتىك نىسان سالۋ كەزىندە جاسالعان.

«اۋىل — ەل بەسىگى» مەملەكەتتىك باعدارلاماسى اياسىندا ۇلتتىق قوردان بولىنگەن قاراجات ەسەبىنەن كەمەڭگەر اۋىلىندا سپورت-ساۋىقتىرۋ كەشەنى سالىنعان, ونىڭ قۇنى — 382 ملن تەڭگە. بيۋدجەتتىك قاراجاتتىڭ زاڭسىز جۇمسالۋىن تەكسەرۋ بارىسىندا مەردىگەرگە ورىندالماعان جۇمىستاردىڭ كولەمى ءۇشىن 158 ملن تەڭگە تولەنگەنى انىقتالدى». پاۆلودار وبلىسىنىڭ پروكۋراتۋراسى

اۋدان پروكۋراتۋراسى لاۋازىمدى تۇلعانىڭ قىزمەتتىك وكىلەتتىگىن اسىرا پايدالانۋ فاكتىسى بويىنشا ماتەريالداردى قىلمىستىق كودەكستىڭ 361-بابى بويىنشا ەردر-عا تىركەدى, الدىن الا تەرگەۋدى سىبايلاس جەمقورلىققا قارسى دەپارتامەنت جۇرگىزدى.

«پاۆلودار وبلىسىنىڭ ارالىق سوتىنىڭ ۇكىمىمەن بۇرىنعى ناقتى سەكتور ەكونوميكا ءبولىمىنىڭ باسشىسى 3 جىلعا باس بوستاندىعىنان ايىرىلىپ, مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلدى». پاۆلودار وبلىسىنىڭ پروكۋراتۋراسى

سوت اكتىسى زاڭدى كۇشىنە ەنگەن جوق.

بۇعان دەيىن ەل ازاماتتارىنىڭ ءبىرى بجزق-داعى قاراجاتتى شەشىپ بەرۋ بويىنشا الاياقتىق سحەماسىن ۇيىمداستىرىپ, تۇتىلعانى حابارلانعان.