«ميلليونداردى جىمقىرعان توراعا»: حالىقارالىق ورتالىق باسشىسى قانشا جىلعا سوتتالدى?

كوللاج Ulysmedia.kz

2024 جىلعى 2 تامىزدا استانا قالاسىنىڭ مامانداندىرىلعان اۋدانارالىق قىلمىستىق سوتى «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» باسقارماسىنىڭ بۇرىنعى توراعاسى ولجاس اعابەكوۆكە قاتىستى ۇكىم شىعاردى, – دەپ حابارلايدى qandastar.kz Orda.kz سىلتەمە جاساپ.

بۇل تۋرالى سىبايلاس جەمقورلىققا قارسى ءىس-قيمىل اگەنتتىگى حابارلادى.

ونى بۇۇ اياسىندا دۋبايدا وتكەن حالىقارالىق كورمەگە قاتىسۋعا بولىنگەن 270 ميلليون تەڭگە جىمقىردى دەگەن كۇدىكپەن تەرگەگەن بولاتىن. اعابەكوۆتىڭ «قازمۇنايگاز»-دان دۋبايدا ەكولوگيالىق شارا ۇيىمداستىرۋ ءۇشىن 121,6 ميلليون تەڭگە جىمقىرعانى انىقتالدى. سونداي-اق, ۋلەرودتىق بىرلىكتەردى ساتىپ الۋ كەلىسىمىن تىركەۋ ءۇشىن 35 ميلليون تەڭگە پارا العانى جانە زاڭسىز سىياقى بەرگەنى ءۇشىن 8,2 ميلليون تەڭگەنى جىمقىردى دەپ ايىپتالىپ وتىر.

ەسكە سالا كەتسەك, بۇعان دەيىن Orda.kz ولجاس اعابەكوۆكە پروكۋرور 12 جىل جازا تاعايىنداۋدى سۇراپ وتىرعانىن جازعان بولاتىن.

وعان 9 جىل باس بوستاندىعىنان ايىرۋ جازاسى جانە مەملەكەتتىك قىزمەتتە جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويى ايىرۋ جازاسى تاعايىندالدى.

ۇكىم ءالى زاڭدى كۇشىنە ەنگەن جوق. ءىس بويىنشا ەكولوگيا جانە تابيعي رەسۋرستار ۆيتسە-ءمينيسترى تارتىپتىك جازاعا تارتىلدى.