«Mıllıondardy jymqyrǵan tóraǵa»: Halyqaralyq ortalyq basshysy qansha jylǵa sottaldy?

Kollaj Ulysmedia.kz

2024 jylǵy 2 tamyzda Astana qalasynyń mamandandyrylǵan aýdanaralyq qylmystyq soty «Halyqaralyq jasyl tehnologııalar jáne ınvestıııalyq jobalar ortalyǵy» basqarmasynyń burynǵy tóraǵasy Oljas Aǵabekovke qatysty úkim shyǵardy, – dep habarlaıdy qandastar.kz Orda.kz silteme jasap.

Bul týraly sybaılas jemqorlyqqa qarsy is-qımyl agenttigi habarlady.

Ony BUU aıasynda Dýbaıda ótken halyqaralyq kórmege qatysýǵa bólingen 270 mıllıon teńge jymqyrdy degen kúdikpen tergegen bolatyn. Aǵabekovtiń «QazMunaıGaz»-dan Dýbaıda ekologııalyq shara uıymdastyrý úshin 121,6 mıllıon teńge jymqyrǵany anyqtaldy. Sondaı-aq, ýlerodtyq birlikterdi satyp alý kelisimin tirkeý úshin 35 mıllıon teńge para alǵany jáne zańsyz syıaqy bergeni úshin 8,2 mıllıon teńgeni jymqyrdy dep aıyptalyp otyr.

Eske sala ketsek, buǵan deıin Orda.kz Oljas Aǵabekovke prokýror 12 jyl jaza taǵaıyndaýdy surap otyrǵanyn jazǵan bolatyn.

Oǵan 9 jyl bas bostandyǵynan aıyrý jazasy jáne memlekettik qyzmette jáne kvazımemlekettik sektorda qyzmet atqarý quqyǵynan ómir boıy aıyrý jazasy taǵaıyndaldy.

Úkim áli zańdy kúshine engen joq. Is boıynsha ekologııa jáne tabıǵı resýrstar vıe-mınıstri tártiptik jazaǵa tartyldy.