«مىنەزىمىز جاراسپادى»: جىگەر اۋىپباەۆ العاش رەت جەكە ومىرىنە قاتىستى شىندىقتى ايتتى

فوتو: اشىق دەرەككوز

“مەلومەن” توبىنىڭ ەكس ءانشىسى, شوۋ-بيزنەس جۇلدىزى جىگەر اۋىپباەۆ العاش رەت وتباسىنا قاتىستى شىندىقتى ايتتى. بۇل تۋرالى   qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

ونەر يەسى وتباسىلى بولىپ, كەيىننەن اجىراسقانىن “1001 ءتۇن” باعدارلاماسىندا ايتىپ بەردى.

“مەنىڭ باسىمنان نە وتپەدى. ءبىراز نارسە ءوتتى. نەگىزى وتباسىلى بولعانمىن. بىراق ۋاقىت وتە كەلە مىنەزىمىز, مۇمكىن كوڭىلىمىز دە جاراسپاي, ەكى جاققا كەتكەن بولاتىنبىز. قازىر باسىم بوس. جۇرەگىڭنىڭ بوس بولعانى قانداي جاقسى دەپ ءجۇرمىز. بىراق كەيىن كوڭىلدى دە الداۋ ءۇشىن ادام ىزدەيسىڭ عوي. «ادامعا دا ادام كەرەك» دەمەكشى, قاسىڭنان تابىلاتىن, ىشكى جان دۇنيەڭدى تۇسىنەتىن, سوزىمەن قۋاتتاپ وتىراتىن ادام كەرەك. كۇيزەلىسكە ءتۇسىپ كەتپەۋدىڭ جولىن ىزدەپ, سونداي كەزەڭدەردە تانىسىپ, تابىسىپ, سويلەسىپ ءجۇردىم. ول كىسىمەن قارىم-قاتىناسىمىز ءالى دە جالعاسىپ جاتىر. ارتى جاقسى بولسىن”, – دەدى ءانشى.

سونداي-اق ونەر يەسى اتىشۋلى ءانىنىڭ تاريحىن دا ايتىپ بەردى.

“الەۋمەتتىك جەلىدە “سۇيمەسەڭ, جوعال ءارى” دەگەن ءانىم قاتتى تارالدى. ۆيدەوعا قار لاقتىرىپ, جەكە پاراقشاما جۇكتەي قويعانىم سول ەدى. حالىق دەگەن ءىلىپ اكەتتى. مەن تەك ورىنداۋشىمىن. اۆتورلارى بولەك. بايقاعانىم, ەرلى-زايىپتىلار ۇرىسىپ قالعاندا سول ءاندى قويىپ, ۆيدەو جاسادى. سول كەزدە ىڭعايسىزدانىپ قالعانىم بار”, – دەپ اعىنان جارىلدى ءانشى.

ەسكە سالايىق, جىگەر اۋىپباەۆ بەينەبايان ءتۇسىرىپ جۇرگەندە ەرەكشە قۇبىلىسقا كۋا بولعانىن جازعان ەدىك.