«Minezimiz jaraspady»: Jiger Aýypbaev alǵash ret jeke ómirine qatysty shyndyqty aıtty

Foto: ashyq derekkóz

“Melomen” tobynyń eks ánshisi, shoý-bıznes juldyzy Jiger Aýypbaev alǵash ret otbasyna qatysty shyndyqty aıtty. Bul týraly   qandastar.kz  Stan.kz aqparat agenttigine silteme jasap habarlaıdy.

О́ner ıesi otbasyly bolyp, keıinnen ajyrasqanyn “1001 tún” baǵdarlamasynda aıtyp berdi.

“Meniń basymnan ne ótpedi. Biraz nárse ótti. Negizi otbasyly bolǵanmyn. Biraq ýaqyt óte kele minezimiz, múmkin kóńilimiz de jaraspaı, eki jaqqa ketken bolatynbyz. Qazir basym bos. Júregińniń bos bolǵany qandaı jaqsy dep júrmiz. Biraq keıin kóńildi de aldaý úshin adam izdeısiń ǵoı. «Adamǵa da adam kerek» demekshi, qasyńnan tabylatyn, ishki jan dúnıeńdi túsinetin, sózimen qýattap otyratyn adam kerek. Kúızeliske túsip ketpeýdiń jolyn izdep, sondaı kezeńderde tanysyp, tabysyp, sóılesip júrdim. Ol kisimen qarym-qatynasymyz áli de jalǵasyp jatyr. Arty jaqsy bolsyn”, – dedi ánshi.

Sondaı-aq óner ıesi atyshýly ániniń tarıhyn da aıtyp berdi.

“Áleýmettik jelide “Súımeseń, joǵal ári” degen ánim qatty taraldy. Vıdeoǵa qar laqtyryp, jeke paraqshama júkteı qoıǵanym sol edi. Halyq degen ilip áketti. Men tek oryndaýshymyn. Avtorlary bólek. Baıqaǵanym, erli-zaıyptylar urysyp qalǵanda sol ándi qoıyp, vıdeo jasady. Sol kezde yńǵaısyzdanyp qalǵanym bar”, – dep aǵynan jaryldy ánshi.

Eske salaıyq, Jiger Aýypbaev beınebaıan túsirip júrgende erekshe qubylysqa kýá bolǵanyn jazǵan edik.