مينيستر: Air Astana بيبىگۇل تولەگەنوۆاعا قۇرمەت كورسەتۋ كەرەك ەدى

فوتو: اشىق دەرەككوز

قازنەتتە Air Astana اۋە كومپانياسى قىزمەتكەرىنىڭ  حالىق ءارتىسى بيبىگۇل تولەگەنوۆاعا كورسەتكەن دورەكىلىك ارەكەتى كوپشىلىكتىڭ اراسىندا رەزونانس تۋدىردى, دەپ حابارلايدى Qandastar.kz.

وسىعان بايلانىستى قر مادەنيەت جانە اقپارات ءمينيسترى ايدا بالاەۆا  ءوزىنىڭ Facebook پاراقشاسىندا پىكىر قالدىردى.

قۇرمەتتى دوستار!
قازاقستاننىڭ جانە كسرو-نىڭ حالىق ءارتىسى, اتى اڭىزعا اينالعان ءانشى بيبىگۇل تولەگەنوۆنى Air Astana اۋە كومپانياسىنىڭ بورتىنا وتىرعىزۋ كەزىندە بولعان وتە ىڭعايسىز جاعداي مەنى دە قاتتى الاڭداتتى.
اۋە كومپانياسى بۇل ماسەلە قاتىستى تۇسىنىكتەمە بەرىپ, اۋە قاۋىپسىزدىگىنىڭ حالىقارالىق ەرەجەلەرى ەسكە سالدى. ارينە, ۇشاقتىڭ جانە جولاۋشىلاردىڭ قاۋىپسىزدىگىن قامتاماسىز ەتۋگە ارنالعان ەرەجەلەر قاتاڭ ساقتالۋعا ءتيىس.
دەگەنمەن, اۋە كومپانياسىمەن پىكىر قايشىلىعىنا بارماي-اق, ورىن العان جاعدايعا بايلانىستى ءوز ويىمدى بىلدىرگىم كەلەدى. ناقتىراق ايتقاندا, اۋە كومپانياسى مەن ونىڭ قىزمەتكەرلەرى ىشكى نۇسقاۋلىقتاردان بولەك, قاراپايىم ەتيكانى, ادامي قارىم-قاتىناستى ساقتاپ, ءوز كليەنتتەرىنە قۇرمەتپەن قاراۋى كەرەك دەپ ەسەپتەيمىن. اسىرەسە, جاسى ۇلكەن جولاۋشىلارعا, وتان الدىندا ايرىقشا ەڭبەگى بار ادامدارعا ەرەكشە قۇرمەت كورسەتىلۋگە ءتيىس. ويتكەنى اعا بۋىنعا قۇرمەت – تاربيە مەن ىشكى مادەنيەت ماسەلەسى.
ال قازاق ونەرىنىڭ بۇلب ۇلى, ونەر مايتالمانى بيبىگۇل احمەتقىزىنا زور دەنساۋلىق, ۇزاق ءومىر مەن سارقىلماس كۇش-جىگەر تىلەيمىن! – دەدى مينيستر.

وسى وقيعاعا وراي, Air Astana اۋە كومپانياسىنىڭ پرەزيدەنتى پيتەر فوستەرگە جولدانعان ۇندەۋ حات جاريالاندى. ۇندەۋدە كومپانيا قىزمەتكەرىنىڭ 94 جاستاعى حالىق ءارتىسى بيبىگۇل تولەگەنوۆاعا قاتىستى دورەكىلىك كورسەتىلگەنىن جانە كەشىرىم سۇراۋ تالابى بار.